کۆتایی بە سێیەمین پیشانگەی گەشتیاریی ڕۆژهەڵاتی ناوەڕاست (میتێكس2025) هێنرا

کۆتایی بە سێیەمین پیشانگەی گەشتیاریی ڕۆژهەڵاتی ناوەڕاست (میتێكس2025) هێنرا

ئەمشەو پێنجشەممە 2025.5.8، بەئامادەبوونی ساسان عەونی، وەزیری شازەوانی و گەشت و گوزار و ئومێد خۆشناو، پارێزگارى هەولێر، لەڕێورەسمێکدا سێیەمین پیشانگەی گەشتیاریی ڕۆژهەڵاتی ناوەڕاستی لە هەولێر (میتێكس2025)، کە بۆ ماوەى سێ ڕۆژە بە بەشدارى 120 كۆمپانیا و دامەزراوەی گەشتیاری لە 20 وڵاتەوە بەردەوام بوو، کۆتایی پێهات.

لە ڕێورەسمەکەدا، جگە لەوەی کردنەوەی پیشانگاکەیان لە هەولێری پایتەخت بە هەنگاوێکی گرنگ بۆ گەشەپێدان و بووژاندنەوەی کەرتی گەشتوگوزاری و پێشخستنی ئابووریی لە هەرێمى کوردستان وەسفکرد، لەلایەن وەزیری شارەوانی و پارێزگاری هەولێر، ڕێزلێنان پێشکەش بەو کەسانە کرا کە ڕۆڵیان هەبوو لە کردنەوەی پیشانگاکە.