پارێزگاری هەولێر، پێشوازی لە سکرتێری گشتی بزوتنەوەی دیموکراتی ئاشوری و شاندێکی یاوەری کرد

پارێزگاری هەولێر، پێشوازی لە سکرتێری گشتی بزوتنەوەی دیموکراتی ئاشوری و شاندێکی یاوەری کرد

ئومێد خۆشناو، پارێزگاری هەولێر، لەدیوانی پارێزگا، پێشوازی لە (یونادم یوسف کەنا) سکرتێری گشتی بزوتنەوەی دیموکراتی ئاشوری و شاندێکی یاوەری کرد.

لەدیدارەکەدا کە هێمن قادر، جێگری پاریزگار ئامادەی بوو، دوای ئەوەی باس لەپەرەپێدان و پێشخستنی پەیوەندیەکان کرا، پارێزگاری هەولێر ڕایگەیاند: "وەکو ئیدارەی هەولێر هەمیشە کار بۆ پەرەپێدانی پێكەوە ژیانی پێكهاتە ئاینی و نەتەوەیی و مەزهەبیەكان دەکەین، هەولێر شوێنی پێكەوە ژیانی ئاینی و نەتەوەییە و هەروەهاش دەمێنیتەوە و هیچ هێزێك ناتوانێت كە لێنێك لەو بارەیەوە لەنێوانماندا دروست بكات".