هەولێر.. دکتۆر پشتیوان سادق وەک بەرپرسی مەکتەبی ڕێکخستنی پارێزگای هەولێر دەستبەکار بوو

هەولێر.. دکتۆر پشتیوان سادق وەک بەرپرسی مەکتەبی ڕێکخستنی پارێزگای هەولێر دەستبەکار بوو

هەولێر.. دکتۆر پشتیوان سادق وەک بەرپرسی مەکتەبی ڕێکخستنی پارێزگای هەولێر دەستبەکار بوو.

رۆژی یەکشەممە ١١ / ٢ / ٢٠٢٤، لە ڕێوڕەسمێکی تایبەتدا، بە ئامادەبوونی بەڕێزان محمود محەمەد ئەندامی دەستەی کارگێڕی مەکتەبی سیاسی، هێمن هەورامی ئەندامی مەکتەبی سیاسی، ئومێد خۆشناو پارێزگای هەولێر، هەڵگورد شێخ نەجیب سەرپەرشتیاری ئیدارەی سەربەخۆی سۆران، ئاری نانەکەلی و چیا هەرکی یاریدەدەرانی بەرپرسی مەکتەبی هەولێر، حەمید عەلی و سەباح بەیتولا یاریدەدەرانی بەرپرسی مەکتەبی دهۆک، بەرپرسی لقەکانی هەولێر و دهۆک، سەگڤان هالۆ و دکتۆرە ڤیان سلێمان و ئەندامانی مەکتەبی ڕێکخستنی هەولێر ،
ئاڵوگۆڕی بەرپرسی مەکتەبی ڕێکخستنی پارێزگای هەولێر، لە نێوان بەڕێز سەبەست لەزگین و دکتۆر پشتیوان سادق بەڕێوەچوو.

دکتۆر پشتیوان سادق وەک بەرپرسی مەکتەبی ڕێکخستنی پارێزگای هەولێری پارتی دیموکراتی کوردستان دەستبەکاربوو.

لە ووتەیەکدا بەڕێز محمود محەمەد، بە گرنگەوە باسی لە ڕۆڵی بەڕێز سەربەست لەزگین کرد، کە لە ماوەی یەک ساڵی کارکردنی لە هەولێر ئەنجامیدا، هەرەوها پیرۆبایی لە دکتۆر پشتیوان سادق کرد و، هیوای خواست لە ئەرکی نوێی سەرکەوتووبێت.

هەر لە ڕێوڕەسمەکەدا، هێمن هەورامی لە ووتەیەکدا پیرۆزبایی لە دکتۆر پشتیوان سادق و بەڕێز سەربەست لەزگین کرد و، هیوای سەرکەوتنی بۆ خواستن.

دواتر بەڕێز سەربەست لەزگین ئەندامی مەکتەبی سیاسی لە ووتەیەکدا ڕایگەیاند سوپاسی بێ پایەنم بۆ سەرجەم کادیر و ئەندام و لایەنگرانی پارتیمان لە هەولێر و ئیدارەی سەربەخۆی سۆران دەردەبڕم، کە لەماوەی کارکردنم لێرە، هاوکار و هەماهەنگبوون، هەروەها پیرۆزبایی گەرم لە دکتۆر پشتیوان دەکەم و دڵنیام بەم ڕوحیەت و توانایەی هەیەتی دەتوانێت خزمەتێکی زۆر بکات و لە ئەرکەکەی سەرکەوتووبێت.

دکتۆر پشتیوان سادق لە ڕێوڕەسمەکەدا ووتەیەکی پێشکەشکرد و ڕایگەیاند سوپاس و پێزانینی تایبەتم بۆ جەنابی (سەرۆک بارزانی) و سەرکردایەتی پارتیمان دەردەبڕم ، کە ئەرکی بەرپرسی مەکتەبی ڕێکخستنی پارێزگای هەولێر ــیان پێ ڕاسپاردووم، بەڵێن دەدەم شەو و ڕۆژ بۆ خزمەتکردنی هاووڵاتیانی خۆشەویستی پارێزگای هەولێر و ئیدارەی سەربەخۆی سۆران بخەمەسەریەک.

دکتۆر پشتیوان لە قسەکانیدا سوپاسی یەک بە یەکی کادیر و ئەندام و لایەنگرانی پارتیمان، لە پارێزگای دهۆک و ئیدارەی سەربەخۆی زاخۆ کرد و، ئاماژەی بەوەکرد ئەوەی لە توانای دابێت بۆ خزمەتکردنی ڕێبازی پیرۆزی بارزانی و پارتیمان، بێ هەستکردن بە ماندووبوون ئەنجامی دەدەم، هەروەها کاروچالاکیەکانی بەڕێز سەربەست لەزگینی لە هەولێر بەرزنرخاند و پیرۆزباییەکی گەرمی بە بۆنەی وەرگرتنی بەرپرسی مەکتەبی ڕێکخستنی پارێزگای دهۆک لێکرد.