پارێزگاری هەولێر، نۆژەنکردنەوەی یاریگای نێودەوڵەتی شەهید فرانسۆ هەریری بەسەرکردەوە

پارێزگاری هەولێر، نۆژەنکردنەوەی یاریگای نێودەوڵەتی شەهید فرانسۆ هەریری بەسەرکردەوە

ئێوارەی ئەمڕۆ چوارشەمە 2021.2.24، ئومێد خۆشناو، پارێزگاری هەولێر، بەیاوەری مەسعود کاڕەش، جێگری پارێزگار و نەبەزعەبدالحمید، قایمقامی ناوەند، نۆژەنکردنەوەی یاریگای نێودەوڵەتی شەهید فرانسۆ هەریری بەسەرکردەوە و لەلایەن سەرۆکی یانەی هەولێر و دەستەی کارگێڕی یانەکە بەگەرمی پێشوازی لێکرا.

لەبەسەرکردنەوەکەیدا پارێزگاری هەولێر، لەنزیکەوە لەچۆنیەتی بەڕێوەچوونی کارەکانی نۆژەنکردنەوەی یاریگای نێودەوڵەتی شەهید فرانسۆ هەریری کۆڵییەوە و دڵنییای دایە سەرۆكی یانەی وەرزشی هەولێر و ئەندامانی دەستەی کارگێڕی یانەکە، وەک پارێزگای هەولێر بەهەموو شێوەیەک پاڵپشتانین و هەموو هەوڵەکانی خۆمان خستۆتەگەڕ بۆ ئەوەی بەباشترین شێوە یاریگای نێودەوڵەتی شەهید فرانسۆ هەریری نۆژەن بکرێتەوە.