پارێزگاری هەولێر لقی هەولێری کۆمەڵەی مانگی سوری عێراقی بەسەرکردەوە

پارێزگاری هەولێر لقی هەولێری کۆمەڵەی مانگی سوری عێراقی بەسەرکردەوە

نیوەڕۆی ئەمڕۆ 2020.3.14 ئومێد خۆشناو، پارێزگاری هەولێر، بە یاوەری نەبەز عەبدولحەمید، قائیمقامی ناوەند، سەردانی لقی هەولێری کۆمەڵەی مانگی سوری عێراقی کرد و لەلایەن هاوڕێ ئیحسان بەڕێوەبەری لقی هەولێری کۆمەڵەی مانگی سوری عێراقی بەگەرمی پێشوازی لێکرا.

پارێزگاری هەولێر لەدانیشتنێکدا لەگەڵ بەڕێوەبەر و ئەندامانی دەستەی بەڕێوەبەرایەتی لقی هەولێری کۆمەڵەی مانگی سوری عێراقی، لەڕەوشی بەڕێوەچوونی کارەکانی کۆمەڵەی ناوبراوی کۆڵییەوە و تەئکید لەهاوکاری و هەماهەنگی نێوان پارێزگای هەولێر و لقی هەولێری کۆمەڵەی مانگی سوری عێراقی کردەوە.

پاشان پارێزگاری هەولێر، بەیاوەری بەڕێوەبەر و ئەندامانی دەستەی بەڕێوەبەرایەتی بەش و یەکەکانی لقی هەولێری کۆمەڵەی مانگی سوری عێراقی بەسەرکردەوە.