پارێزگاری هەولێر پێشوازی لە کونسڵی گشتی کۆماری میسر لە هەولێر کرد

پارێزگاری هەولێر پێشوازی لە کونسڵی گشتی کۆماری میسر لە هەولێر کرد

ئەمڕۆ 2020.1.29 د.فرسەت سۆفی پارێزگاری هەولێر لە دیوانی پارێزگا پێشوازی لە (ئەحمەد حارس) کونسڵی گشتی کۆماری میسری عەرەبی لە هەولێر کرد.

لە دیدارێکی نێوانیاندا کە تاهیر عەبدوڵا جێگری پارێزگاری هەولێریش ئامادەیی ببوو، کونسڵی گشتی کۆماری میسری عەرەبی لە هەولێر وێڕایی گەیاندنی پەیامی پیرۆزبایی کونسڵخانە و وڵاتەکەی بەبۆنەی دەست بەکاربوونی د.فرسەت سۆفی وەک پارێزگاری هەولێر، هیوای سەرکەوتنی لەکارەکان بۆ خواست و ئامادەیی هەموو هاوکاری و هەماهەنگییەکی نیشاندا، پاشان باسی لە پەرەپێدانی پەیوەندییەکانی نێوان هەولێر و میسڕ کرد و تیشکی خستە سەر هاتنی کۆمپانیا میسڕیەکان بەمەبەستی گەشەپێدانی زیاتری کەرتەکانی گەشت گوزار و پیشەسازی و کشتوکاڵ.

لەلایەن خۆیەوە پارێزگاری هەولێر سوپاسی کونسڵی گشتی کۆماری میسری عەرەبی لە هەولێر کرد و ئاماژەی بەو دۆستایەتی و پەیوەندییە لە مێژینەیەدا کە ساڵەهایە لە نێوان گەلی کوردستان و گەلی میسردا هەیە، هیوای خواست ئەو دۆستایەتی و پەیوەندییە مێژوویەی کوردستان لەگەڵ کۆماری میسری عەرەبی پەرەی زیاتری پێبدرێت و وەک پارێزگای هەولێریش ئامادەیی هەر هاوکاری و هەماهەنگیەکی بۆیان خستە ڕوو.