پارێزگارى هەولێر بەنوێنەرایەتى سەرۆکى حکومەتى هەرێم، سەردانى یەکێتى مامۆستایانى کوردستانى کرد
ئێوارەى ئەمڕۆ دووشەممە 2023.5.15، ئومێد خۆشناو، پارێزگارى هەولێر، بەنوێنەرایەتى ڕێزدار مەسرور بارزانى، سەرۆکى حکومەتى هەرێمى کوردستان بەمەبەستى گەیاندنى پیرۆزبایی و چەپکە گوڵى سەرۆکى حکومەتى هەرێم بە بۆنەى (61)مین ساڵیادى دامەزراندنیان، سەردانى یەکێتى مامۆستایانى کوردستانى کرد.
پارێزگارى هەولێر، وێڕاى گەیاندنى سڵاو و پیرۆزبایی سەرۆکى حکومەتى هەرێمى کوردستان، هیوای سه‌ركه‌وتن و پێشکەوتنی زیاترى بۆ یەکێتى مامۆستایانى کوردستان خواست و ڕۆڵ و ئەرکى یه‌كێتی مامۆستایانی كوردستانى لە خزمەتکردنى توێژى مامۆستایان و قوتابیان و کەرتى پەروەردە و خوێندن بەرزنرخاند.