پارێزگاری هەولێر، پێشوازی لە کونسڵی گشتی وڵاتی چین لەهەولێر و شاندێکی یاوەری کرد

پارێزگاری هەولێر، پێشوازی لە کونسڵی گشتی وڵاتی چین لەهەولێر و شاندێکی یاوەری کرد


سەرلەبەیانی ئەمرۆ 2020.5.20 د.فرسەت سۆفی پارێزگاری هەولێر، بە ئامادەبوونی هێمن قادر جیگری پارێزگار، لەدیوانی پارێزگا، پێشوازی لە (نی رۆکی) کونسڵی گشتی وڵاتی چین و شاندێکی یاوەری لەهەولێر کرد.

لەدیدارەکەدا، باڵیۆزی گشتی وڵاتی چین لەهەولێر، سوپاس و ستایشی ئەو پێشوازییەی گەرمەی کرد و ئاماژەی بەوەدا کە بەناوی حکومەتی چین و گەلی چین، سوپاسی حکومەتی هەرێمی کوردستان بە سەرۆکایەتی ڕێزدار مەسرور بارزانی و پارێزگای هەولێر دەکەین بەرامبەر بەو ڕێکار و ڕێو شوێنانەی گرتانەبەر بۆ بەرگرتن لە بڵاو بوونەوەی کۆرۆنا، ڕاشیگەیاند: "ئەم ڤایرۆسە سنوور ناناسێ و هەر لەسەرتای هاتنی كؤرؤنا ئێمە لەگەڵ هەرێمی کوردستان، دەستمان بە گەیاندنی هاوکاری و یارمەتی و ڕاوێژکاری تەندروستی و خۆپارێزی کرد لەگەڵ لایەنە پەیوەندیدارەکان بۆ چۆنیەتی بەرگرتن لەو فایرۆسە، ئەمڕۆش خۆشحاڵم کە هاتووین لەو چوارچێوەیەدا (دەمامک) پێشکەشی پارێزگای هەولێر دەکەین.

لەلایەن خۆیەوە پارێزگاری هەولێر، وێڕای بەگەرمی بەخێرهێنانی کۆنسڵی گشتی وڵاتی چین و شاندی یاوەری، وتی، "سوپاسی وڵاتی چین و گەلەکەی دەکەین، بۆ ئەو هاوکاری و یارمەتییە تەندروستییانەی کە هەر لەسەرەتای هاتنی ئەم ڤیرۆسە پێشکەشی هەرێمی کوردستانتان کردووە، ئێمە لەهەرێمی کوردستان هەمیشە چاوومان لەسەر ئەو پێشکەوتن و ڕێکارانە بووە کە لەلایەن ولاتی چین ئەنجامدراوە، هەمیشە لەهەوڵدا بووینە سود لەو تەجربەیە وەربگرین بۆ بەرگرتن لەبڵاو بوونەوەی کۆرۆنا، لەو بارەیەشەوە پشت بەخودا پیشکەوتنی باشمان بەدەستهیناوە".

پارێزگاری هەولێر ڕاشیگەیاند: "لەسەرەتادا ڕێکار و ڕێو شوێنیی توندمان گرتە بەر، بەڵام دواتر بەهۆی باروگوزەران و بژێوی هاوڵاتییان ئاسانکاریمان ئەنجامدا، لەوماوەیەشدا بەهەوڵی هەموو لایەک، بەتایبەتی تیمی تەندروستی هەولێر، ئەگەرچی ئەرکی ئیدار ئێمە لەهەولێر ئاسان نەبوو بەهۆی بوونی فرۆکەخانە و سنووری هاوبەش لەگەڵ وڵاتی ئێران و تورکیا و هەبوونی ئەو ژمارە زۆرەی ئاوارە و هاتوو چۆی هاوڵاتییانی پارێزگاکانی تر عێراق، بەڵام توانیمان هەنگاوی باش بڕۆینە پێش و بەربگرین لە تەشەنەکردنی کۆرۆنا، دووبارە سوپاس بۆ ئێوە بۆ گەیاندنی ئەم دەمامکانە کە بێگومان بۆ هێزەکانی ناوخۆ و تیمە تەندروستییەکانمان پێویستی زۆرمان پێی دەبێت".

شاندی میوان سوپاسی پارێزگاری هەولێریانکرد بۆ ئەم ڕوونکردنەوەیە و ئامادەیی خۆشیان بۆ هەر هاوکاری و هەماهەنگییەک لەگەڵ پارێزگای هەولێر نیشاندا.