لە ئیسکان ... یاری کۆتایی جامی پاڵەوانیەتى یۆرۆى 2024 بەڕێوەچوو

لە ئیسکان ...
یاری کۆتایی جامی پاڵەوانیەتى یۆرۆى 2024 بەڕێوەچوو

شەوی یەکشەممە 2024.7.14، ئومێد خۆشناو، پارێزگاری هەولێر، بە یاوەی قائیمقامی ناوەندی و بەڕێوەبەرانی گشتیی گەشت و گوزار و کشتوکاڵ و بەڕێوەبەری کاروباری ناوخۆی پارێزگا، لە شەقامی ئیسکان ئامادەی بیننی یاریی کۆتایی پاڵەوانێتی یۆرۆ 2024 بوو لە نێوان هەردوو هەڵبژاردەى ئیسپانیا - ئینگلتەرا.

ئەم کەرنەڤاڵە جەماوەرییە وەرزشیە کە بە پاڵپشتى پارێزگاى هەولێر لەلایەن ناوەندى باڵاى هەولێرى یەکێتى لاوانى دیموکراتى کوردستان و بە سپۆنسەرى کەناڵى kurdistan24 بۆ لاوان و وەرزش دۆستان ڕێکخرابوو، بە هەزاران لاو و گەنج لە ڕێگەى شاشەیەکی گەورەوە سەیری یارییەکەیان دەکرد.