پارێزگاری هەولێر، چه‌ند پرۆژه‌یه‌كی خزمه‌تگوزاری له‌ گه‌ره‌كی مامزاوه‌ بەسەرکردەوە

پارێزگاری هەولێر، چه‌ند پرۆژه‌یه‌كی خزمه‌تگوزاری له‌ گه‌ره‌كی مامزاوه‌ بەسەرکردەوە

دوای نیوەڕۆی ئەمرۆ سێشەمە 2020.9.22، د.فەرسەت سۆفی، پارێزگاری هەولێر، بەیاوەری مەسعود کاڕەش، جێگری پارێزگاری هەولێر و باڵیۆزی یەکێتیی ئەوروپا لەعێراق و نوێنەرانی ڕێکخراوەکانی هاپیتات وUNDP و ئامادەبوونی هەریەک لەبەرێوەبەری شارەوانی شەش و بەڕێوەبەری ئاوی هەولێر، چه‌ند پرۆژه‌یه‌كی خزمه‌تگوزاری له‌گه‌ره‌كی مامزاوە بەسەرکردەوە.

پڕۆژەکان لەسەرئەرکی یەکیتی ئەوروپا جێبەجێدەکرێت کەبریتین لە گۆڕینی تۆڕی ئاو و لێدانی بیرێکی ئاو و چارەسەری ئاوەڕۆی بەشێکی گەرەکە و نۆژەنکردنەوەی (200) خانووی هەژارنشیینانی گەڕەکەکە، لەمبارەیەوە د.فەرسەت سۆفی، پارێزگاری هەولێر، ڕایگەیاند: "سوپاس بۆ باڵیۆزی یەکێتیی ئەوروپا لەعێراق و ڕێکخراوەکانیی هاپیتات و UNDP، کەهاوکارمان بوون و یارمەتییانداین بۆ ئەنجامدانیی ئەم پڕۆژانە".

پارێزگاری هەولێر هەروەها وتی: "بێگومان لەم کاتەدا ئەنجامدانی ئەم جۆرە پڕۆژانە لەناوچە هەژارنشیینەکانی هەولێر و بۆ ئەم جۆرە گەڕەکانە گرنگی خۆی هەیە، بەتەئکید لەگەڵ باڵیۆزی یەکێتیی ئەوروپا لەعێراق و ڕێکخراوەکانیی هاپیتات و UNDP لەسەر هێل دەبین بۆ ئەوەی پشتیوانییمان بکەن لەئەنجامدانی پڕۆژەی دیکەی هاوشێوە، چونکە ئێمە لەزۆر ناوچەی دیکەی سنووری پارێزگای هەولێر کێشەی ئاو و کەم کوڕی ئاومان هەیە، بۆیە دیراسەی ئەو بابەتەمانکردووە و بەنیازین وەکو پڕۆژەیەک بیخەینە بەردەستییان، بەڵکو بتوانن پشتیوان و هاوكاریمان بکەن".