بەئامادەبوونی پارێزگارى هەولێر، (24)ەمین خولی ڕەمەزان بۆ تۆپی پێ بەكۆتاهات

بەئامادەبوونی پارێزگارى هەولێر، (24)ەمین خولی ڕەمەزان بۆ تۆپی پێ بەكۆتاهات

ئەمشەو چوارشەممە 2026.3.11، بەئامادەبوونی ئومێد خۆشناو، پارێزگاری هەولێر و د.زانا مەلا خالید، بەرپرسی لقی2 و كارزان عەبدولهادی، سەرۆكی شارەوانی و ژمارەیەكی تر لە بەرپرسان و كارگێر و ئەندامانی مەکتەبی سکرتاریەت و بەرپرسانی لقەكانی قەڵات و منارەی یەکێتی قوتابیان و لاوانی دیموكراتی كوردستان و وەرزشوان و وەرزش دۆستان و لاوان، لە یاریگای زانكۆ لە شاری هەولێر، کۆتایی بە ( 24 )ەمین خولی ڕەمەزان بۆ تۆپی پێ هێنرا، كە لەلایەن لقەكانی قەڵات و منارەی یەکێتی قوتابیان و لاوان بۆ ( 160 ) تیپی سنووری چالاكیەكانیان ڕیكخرابوو.

یارییەکە لە کەشێکی وەرزشی و پڕ لە ململانێدا لە نێوان هەردوو تیپ كە گەیشتبوون بۆ قۆناغی کۆتایی ئەنجامدرا، پارێزگاری هەولێر، دەستخۆشی لە ڕێکخەرانی خولەکە کرد و جەختی لەسەر بەردەوامی پشتگیریکردنی چالاکییە وەرزشییەکان کردەوە، بەتایبەت لە مانگی پیرۆزی ڕەمەزاندا کە گیانی برایەتی و وەرزشکاری لە نێوان لاوان و گەنجان بەهێزتر دەکات، لە کۆتایشدا، جام و میدالیا پێشکەش بە تیپی براوە و یاریزانە سەرکەوتووەکان کرا.

جێگەی باسە، خولی ڕەمەزان بۆ تۆپی پێ یەکێکە لە خولە دێرین و پڕ جەماوەرییەکان کە ساڵانە لە مانگی ڕەمەزاندا بە بەشداری ژمارەیەکی زۆر لە تیپە میللییەکان، لەلایەن لقەكانی قەڵات و منارەی یەکێتی قوتابیان و لاوانی دیموكراتی كوردستان ڕێكدەخرێت.