هەولێر .. ئینستیتیوتی فەرەنسی کۆنسێرتێکی تایبەتی بە بۆنەی جەژنی میوزیک سازکرد

هەولێر .. ئینستیتیوتی فەرەنسی کۆنسێرتێکی تایبەتی بە بۆنەی جەژنی میوزیک سازکرد

ئێوارەی شەممە رێکەوتی 13.6.2026
بەئامادەبوونی ئومێد خۆشناو پارێزگاری هەولێر، یان برایم، کونسوڵی گشتی فەرەنسا لە هەولێر و سیروان عوسمان بەرێوەبەری گشتی رۆشنبیری و هونەری هەولێرو ژمارەیەک لە دبلۆماتکارو رێکخراوو هونەرمەندان و ئارەزوومەندانی میوزیک، کۆنسێرتی تایبەتی بە بۆنەی رۆژی جیهانی میوزیک ئەنجام دا.

لەم چالاکییەدا، هونەرمەندان ژمارەیەک پارچەی میوزیکی جیاواز و گۆرانیان پێشکەش کرد،کە پەسەند و سەرنجی ئامادەبووانی راکێشا.

ئامانجی ئەم کۆنسێرتە بریتی بوو لە پشتگیری لە هونەر و میوزیک و دروستکردنی کەشێکی کەلتووری و هونەری هاوبەش .

شایەنی باسە جەژنی میوزیک یەکێکە لە گرنگترین بۆنە کەلتوورییەکان و هەموو ساڵێک لە زۆر وڵاتدا بە شێوەیەکی تایبەت ئامادەسازی بۆ دەکرێ و بە چالاکی هەمەجۆر بەرێوەدەچێت ..