هەولێر .... کۆڕێک بۆ هونەرمەند یاسین قادر بەرزنجی سازكرا

هەولێر ....
کۆڕێک بۆ هونەرمەند یاسین قادر بەرزنجی سازكرا

دوای نیوەڕۆی ئەمرۆ سێشەممە 2026.11.3، بەئامادەبوونی ئومێد خۆشناو، پاریزگاری هەولێر و ژمارەیەكی بەرچاوو لە هونەرمەند و نووسەران و ڕۆشنبیران، لقی هەولێری یەکێتیی نووسەرانی کورد، لە چوارچێوەی چالاکییە ڕۆشنبیری و هونەرییەکانیدا، کۆڕێکی تایبەت بۆ ناساندن و بەسەرکردنەوەی کاروانە هونەرییەکەی هونەرمەندی دێرین و ناوداری کورد یاسین قادر بەرزنجی ڕێکخست.

کۆڕەکە لەژێر ناونیشانی "هونەری دراما و سمکۆ ناکام وەک سیمبولی درامای کوردی" بەڕێوەدەچوو، و تێیدا تیشک خرایە سەر ڕۆڵی بەرچاوی ئەم هونەرمەندە لە مێژووی درامای کوردیدا و بە تایبەتیش شیکردنەوە بۆ کەسایەتی کلتوری و کاریگەری "سمکۆ ناکام" وەک یەکێک لە هێما دیارەکانی ڕەوتی نواندن لە کوردستان كرا.