پارێزگارى هەولێر، پێشوازیی لە بەرێوەبەرانى دامەزراوەی خێرخوازی ئەمریکی (ستیرلینگ فاوندەیشن) کرد

پارێزگارى هەولێر، پێشوازیی لە بەرێوەبەرانى دامەزراوەی خێرخوازی ئەمریکی (ستیرلینگ فاوندەیشن) کرد

ئەمرۆ پێنجشەممە 2025.4.17، ئومێد خۆشناو، پارێزگارى هەولیر، لە دیوانى پارێزگا، پێشوازیی هەریەک لە محمد دەهاب، بەرێوەبەرى وڵاتانى کەنداوى عەرەبى و بریتنی ستیرلینگ، بەرێوەبەری هەرێمی رۆژهەڵاتی نێوەراست و ئەوروپاى دامەزراوەی خێرخوازی ئەمریکی ( ستیرلینگ فاوندەیشن Stirling Foundation ) کرد.

لە دیدارەکەدا، پارێزگارى هەولێر، وێڕاى بەخێرهانیان، ئومێدى خواست ئەو ماوەیەى کە لە هەولێرن بە ئاسودەیی و خۆشى بەسەر ببەن، هەروەها کارەخێرخوازییەکان و پڕۆژە و هاوکارییە مرۆییەکانى دامەزراوەى ناوبرا و هەماهەنگیى و هاوکارییەکانیان لەگەڵ پارێزگاى هەولێر و دام و دەزگا و فەرمانگەکانى دیکەى حکومەتى هەرێمى کوردستان بەرز نرخاند و ئامادەیی هەموو هاوکارى و پاڵپشتیەکى پارێزگاى بۆ سەرخستنى کارەکانیان لە هەولێرى پایەتەخت دووپاتکردەوە.

لەلایەن خۆیانەوە شاندى میوان زۆر سوپاسى پارێزگارى هەولێریان کرد بۆ پێشوازیى و هەماهەنگی پاڵپشتیەکانی لە دامەزراوەکەیان و جەختیان لە پتەوکردنى پەیوەندییەکان و کارى هاوبەش لەگەڵ پارێزگاى هەولێر کردەوە.