پارێزگاری هەولێر، سەردانى خانەی بە ساڵاچووانى هەولێرى کرد

پارێزگاری هەولێر، سەردانى خانەی بە ساڵاچووانى هەولێرى کرد

ئەمڕۆ هەینی 2025.6.6، بەمەبەستى پیرۆزبایی جەژنی قوربان و بۆ لە نزیکەوە ئاگاداربوون لە ژیان و ڕەوشی تەندروستیان و دابینکردنى پێداویستییەکانیان، ئومێد خۆشناو، پارێزگاری هەولێر، سەردانى خانەی بەساڵاچووانى هەولێرى کرد و جگە لە خواردنی نیوەڕۆ لەگەڵیان، دیاری و جەژنانەی بەسەریاندا دابەشکرد.

لە سەردانەکەیدا، کە هەریەک لە بەڕێوەبەری گشتی چاودێری و گەشەپێدانی کۆمەڵایەتی هەولێر، بەڕێوەبەری پۆلیسی هەولێر، بەڕێوەبەری کاروباری ناوخۆی پارێزگا، بەڕێوەبەری قەیرانەکانی پارێزگا، بەڕێوەبەری چاودێری کۆمەڵایەتی هەولێر یاوەری بوون، پارێزگاری هەولێر وێڕای دەست خۆشی لە بەڕێوەبەر و سەرپەرشتیار و چاودێرانی خانەکە، لە جێبەجێکردنی ئەرک و کارەکانیان، لە ئاسودەیی بەساڵاچووان و کەم و کوڕیی و پێداویستی و ڕەوشی تەندروستیانی کۆڵییەوە.

هەروەها جەختی لە گرنگى تایبەتی پارێزگای هەولێر بە خانەی بە ساڵاچووان کردەوە و ئاماژەی بەوەدا، کە هەمیشە لە نزیکەوە چاودێریان دەکەین، گوتیشی، ئەوانە کەس و کاری ئێمەن، ئەرکی سەرشانمانە خزمەتیان بکەین و لە نزیکەوە ئاگاداری ژیان و ڕەوشی تەندروستیتان بین و پێداویستییەکانیان بۆ دابین بکەین.