خزمەتگوزارییەکانی سنووری لقی ١٦ی پارتی دیموکراتی کوردستان بە ئامادەبوونی پارێزگاری هەولێر تاوتوێی کرا
خزمەتگوزارییەکانی سنووری لقی ١٦ی پارتی دیموکراتی کوردستان بە ئامادەبوونی پارێزگاری هەولێر تاوتوێی کرا
ئەمرۆ دووشەممە 21.9.2026 بەمەبەستی تاوتوێکردنی دۆخی خزمەتگوزارییە گشتیەکان و ئاگاداربوون لە ویست و داواکاری هاوڵاتیان ئەو سنورە کۆبوونەوەیەکی فراوانی سنووری لقی ١٦ی پارتی دیموکراتی کوردستان بە ئامادەبوونی ئومێد خۆشناو، پارێزگاری هەولێر، ئاری نانەکەلی بەرپرسی لقی شازدەی ( پ د ک) و هێمن قادر، جێگری پارێزگاری هەولێر، کارگێرانی لق و بەرپرسی لێژنە ناوچەکان، بەڕێوەچوو.
لە کۆبوونەوەکەدا، سەرۆکی شارەوانی هەولێرو بەرێوەبەری گشتی شارەوانییەکان و قائیمقام و بەرێوەبەری ناحیەکان و بەرێوەبەرانی دامەزراوە و دەزگا خزمەتگوزارییەکان بەشدارییان کرد.
لە بەشێکی گرنگی گفتوگۆکاندا، جەخت لەسەر پێویستی بەجێگەیاندنی خزمەتگوزارییە گشتییەکان، چارەسەرکردنی کێشە و پێداویستییەکانی ناوچەکان و گرنگیدان بە ویست و داواکارییەکانی هاوڵاتیان کرا.
هەروەها، بەشداربووان دیدگا و تێڕوانینەکانیان لەسەر بارودۆخی خزمەتگوزاری و پێداویستییەکانی ئەو سنوورە ئاڵوگۆڕ کرد و لەسەر ڕێکارە پێویستەکان بۆ باشترکردنی خزمەتگوزارییەکان و وەڵامدانەوەی بە پێی پێویست بە داواکارییەکانی هاوڵاتیان گفتوگۆیان کرد.
