بەئامادەبوونى پارێزگاری هەولێر، پەیمانگاى هونەرە جوانەکان یادى (29) ساڵەى دامەزراندنی خۆى کردەوە

سەرلەبەیانی رۆژی یەکشەمە 2021.12.12، بەئامادەبوونى ئومێد خۆشناو، پارێزگاری هەولێر و هێمن قادر، جێگرى پارێزگار و نەبەز عەبدولحەمید، قایمقامی قەزایی ناوەند و فەرهەنگ غەفور، بەڕێوەبەرى گشتیی ڕۆشنبیرى و هونەرى هەولێر و بەڕێوەبەر و مامۆستایان و قوتابیانى پەیمانگا و ژمارەیەکى دیکە لە هونەرمەند و هونەردۆستان، پەیمانگاى هونەرە جوانەکانى هەولێر بە کۆمەڵێک چالاکى هونەرى (شێوەکارى، موزیک، شانۆ) یادى (29) ساڵەى دامەزراندنی خۆى کردەوە.
پارێزگارى هەولێر، وێراى پیرۆزبایی لە بەرێوەبەر و مامۆستایان و قوتابیانى پەیمانگا، هیواى سەرکەوتنى بۆ خواستن و تەئکیدى لەسەر هەموو پاڵپشتى و هاوکاریەکى پارێزگاى هەولێر کردەوە بۆ پەیمانگاى هونەرە جوانەکانى هەولێر.