پارێزگارى هەولێر، لەسەر قەڵاى هەولێر، پێشانگایەکى فۆتۆگرافى تایبەتى کردەوە

سەرلەبەیانى رۆژی سێشەمە 2021.12.14، ئومێد خۆشناو، پارێزگارى هەولێر، بەیاوەرى فەرهەنگ غەفور، بەڕێوەبەرى گشتیى ڕۆشنبیرى و هونەرى هەولێر و ژمارەیەکى دیکە لە هونەرمەندان و هونەر دۆستان، لەسەر قەڵاى هەولێر، پێشانگای تایبەتى هونەرمەندى فۆتۆگرافەر سەردار قادرى لەژێرناونیشانى (هەولێر) کردەوە.
پارێزگارى هەولێر دواى بەسەرکردنەوەى تابلۆکانی پێشانگاکە، دەستخۆشى لە هونەرمەند کرد و هیوای سەرکەوتنى لەکارە هونەریەکانى بۆ خواست.