پارێزگاری هەولێر، سەردانی مەکتەبى سیاسى یەکێتى نەتەوەیى دیموکراتى کوردستان (YNDK) کرد

شەممە 2022.3.19، ئومێد خۆشناو، پارێزگاری هەولێر، بەیاوەری هەریەک لە نەبەز عەبدولحەمید، قائیمقامى ناوەند و ئەکرەم ئەحمەد، یاریدەدەری پارێزگار، بەمەبەستی پیرۆزبایی بەبۆنەی 27ـەمین ساڵڕۆژی دامەزراندنی یەکێتى نەتەوەیى دیموکراتى کوردستان (YNDK) ، سەردانی مەکتەبی سیاسى یەکێتى نەتەوەیى دیموکراتى کوردستان (YNDK) کرد و لەلایەن غەفور مەخمورى، سکرتێرى گشتیى و کارگێر و ئەندامانى مەکتەبى سیاسى بەگەرمی پیشوازی لێکرا.
لەدیدارەکەدا، پارێزگاری هەولێر، وێڕای پیرۆزبایی بەبۆنەی 27ـەمین ساڵڕۆژی دامەزراندنی یەکێتى نەتەوەیى دیموکراتى کوردستان (YNDK) ، تەئکیدی لە پەرەپێدانی زیاتری پەیوەندییەکان و هەماهەنگی و هاوکاری نێوان یەکێتى نەتەوەیى دیموکراتى کوردستان (YNDK) و پارێزگای هەولێر کردەوە و ڕایگەیاند: "وەکو ئیدارەی خۆجێیی هەولێر، دەخوازین پەیوەندییەكی تۆکمە و باشمان لەگەڵ سەرجەم حزب و لایەنە سیاسیەكان شارەکەمان هەبێت، تاوەکو بتوانین زۆرترین خزمەت پێشکەشی هاوڵاتییانی هەولێری پایتەخت بکەین".
لەلایەن خۆیەوە، سکرتێرى گشتیى یەکێتى نەتەوەیى دیموکراتى کوردستان (YNDK)، سوپاسی پارێزگاری هەولێرکرد و خۆشحاڵی خۆی بەسەردانەکەی بەڕێزیان نیشاندا و ئامادەیی هەموو هاوکاری و هەماهەنگییەکی دووپاتکردە.