زیاترلە(138)هەزار گەشتیار، تهنها لە سێ ڕۆژی جەژن سەردانی هەولێریان كردووە
تەنها لە سێ رۆژی جەژنى ڕەمەزانى پیرۆزى ئەمساڵ زیاتر لە (138) هەزار گەشتیاری ناوخۆی كوردستان و عێراق سەردانی شارى هەولێر و سەنتەری شاریان كردووە و زیاتر لە 1700 شوێنی مانەوە و نووستنیان بۆ دابین كراوە.
لەبارەیەشەوە ئیسماعیل مینە خان، بەڕێوەبەری گشتیی گەشتوگوزاری هەولێر دەڵێت: "بەهۆی ئاسانكاری لە ڕێكارەكانی پێشوازیكردن لە گەشتیاران وباشتر پێشوازیكردن لە گەشتیاران، وایكرد كە ژمارەی گەشتیاران لەڕوو لە هەڵكشان بێت، هەروەها لەنێو شار و قەزا و ناحیەكانی سەر بە هەولێریش زیاتر لە 1700 شوێنی مانەوە و تەختی نووستن بۆ گەشتیاران دابین كرابوون، لەئێستاش گەشتیاران سەردانی هەولێر دەكەن".