لە عەنکاوا رێورەسمی جەژنی لە دایکبوونی حەزرەتی مەسیح بەڕێوەچوو

لە عەنکاوا رێورەسمی جەژنی لە دایکبوونی حەزرەتی مەسیح بەڕێوەچوو

ئەمشەو 2022.12.24، بەئامادەبوونی، پشتیوان سادق، وەزیری ئەوقاف و ئومێد خۆشناو، پارێزگاری هاولێر و ئانۆ جەوهەر، وەزیری گواستنەوە و نەوزاد هادی، ئەندامی مەکتەبی سیاسی و بڵند ئیسماعیل، بەرپرسى لقی دووی پارتى و رامی نوری، قائیمقامی قەزایی عەنکاوە و ژمارەیەکى دیکە لەبەرپرسان، لە عەنکاوا رێورەسمی جەژنی لەدایکبوونی حەزرەتی مەسیح (دروودی خوای لەسەربێت) بەڕێوەچوو.

کریستیانەکانی هەرێمی کوردستان ساڵانە بەبۆنەی یادی لەدایک بوونی حەزرەتی مەسیح لە کەنیسە یادی کریسمس دەکەنەوە و نزا بۆ ساڵێکی باشتر دەکەن. ڕۆژی دواتریش بە بۆنەی جەژنی کریسمس سەردانی یەکدی دەکەن و خواردنی تایبەت ئامادە دەکەن. لە هەرێمى کوردستان نزیکەی (300 هەزار) کریستیان دەژین لە نەتەوەکانی ئەرمەن، کلدان، سریان و ئاشوور، جگە لە عەنکاوە کە ناوەندی کریستیانەکانی کوردستانە، زۆربەی کریستیانەکان لە شەقڵاوە، کۆیە، دهۆک و زاخۆ دەژین و نزیکەی (300) کەنیسەیان هەیە.