پارێزگاری هەولێر، جەژنی لە خانەی نەوجەوانان و منداڵانی کوڕان و کچانی هەولێری کرد

پارێزگاری هەولێر، جەژنی لە خانەی نەوجەوانان و منداڵانی کوڕان و کچانی هەولێری کرد


سەرلەبەیانی ئەمڕۆ هەینی 2023.4.21، ئومێد خۆشناو، پارێزگاری هەولێر، لە یەکەمین ڕۆژی جەژنی ڕەمەزانی پیرۆز، بە یاوەری بەڕێوەبەری گشتیی چاودێری و گەشەپێدانی کۆمەڵایەتی هەولێر و بەڕێوەبەری پۆلیسی هەولێر و بەڕێوەبەری کاروباری ناوخۆی پارێزگا، سەردانی خانەی نەوجەوانان و منداڵانی کوڕان و کچانی هەولێری کرد و جەژنی لەگەڵ منداڵانی خانەی ناوبراو کرد و لەڕێورەسمێکدا، دیاری و جەژنانەی بەسەر کوڕان و کچانی خانەی نەوجەوانان و منداڵانی هەولێر دابەشکرد.

پاشان پارێزگاری هەولێر دەست خۆشی لە سەرپەرشت و بەڕێوەبەر و مامۆستایانی خانەکە کرد و ڕایگەیاند: "وەکو پارێزگای هەولێر لەخزمەتی ئەو ئازیزانەداین، ئەوانە کەس و کاری ئێمەن، ئەرکی سەرشانی ئێمەیە وەکو حکومەتی هەرێم و پارێزگای هەولێر لەخزمەتی ئەو خۆشەویستانەدابین".