سەنتەری پێشانگا نێودەوڵەتییەکانى هەولێر بۆ یەکەمين جار فیستیڤالی پایزی رێکخست

سەنتەری پێشانگا نێودەوڵەتییەکانى هەولێر بۆ یەکەمين جار فیستیڤالی پایزی رێکخست

لەژێر چاودێری حکومەتی هەرێمی کوردستان و بە ئامادەبوونی ئومێد خۆشناو پارێزگاری هەولێرو ژمارەیەکی بەرچاو لە پیاوانی کار و هاوڵاتیان، بە هەماهەنگی کۆمپانیای پیرامێدس ، سەنتەری پێشانگا نێودەوڵەتییەکانی هەولێر فیستیڤاڵی پایزی نێودەوڵەتی بۆ بازارکردن رێکخست ….
لە فستیڤاڵەکەدا جۆرەها کەرەستەی خۆراك و شیرەمەنی و شیرنەمەنی و پاقژکەرەوەکان و کاری دەستی و سیرامیك و دارتاشی و مێوەجاتی وشککراوەو کەرەستەکانی خوێندنی قوتابیان و چەندین شت و شمەکی دیکە لە پێداویستییەکانی ناوماڵ نمایشکرابوون وەك بازارێکی گشتی بۆ کرینی راستەوخۆی هاوڵاتیان فەراهەمکرابوون…
تێیدا زیاتر لە 122 کۆمپانیا و کارگەی بەرهەمی ناوەخۆیی و نێودەوڵەتی کاڵا و بەرهەمەکانیان خستبووە بەر دەستی هاوڵاتیانی هەرێمی کوردستان …
شایەنی ئاماژە بۆکردنە کۆمپانیا و کارگە بەشدابووەکان لە 10 وڵاتی جیاوازەوە هاتوونەتە هەولێری پایتەختی هەرێمی کوردستان بۆ نمایشکردنی کاڵاکانیان، لەوانە میسر و تورکیا و ایران و پاکستان و هیند و چین وئوردن و یەمەن و سوریا …
ئەم فیستیڤالە لە 1 تا 11 ی مانگی نۆ بەردەوامی دەبێت …