لە هەولێر.. (10)یەمین ماراسۆنى نێودەوڵەتى، گەورەترین چالاکى وەرزشى ساڵ بەڕێوەچوو

لە هەولێر..
(10)یەمین ماراسۆنى نێودەوڵەتى، گەورەترین چالاکى وەرزشى ساڵ بەڕێوەچوو

ئەمڕۆ هەینی 2023.10.27، بە بەشداری ئومێد خۆشناو، پارێزگارى هەولێر و نەبەز عەبدولحەمید قائیمقامی ناوەند و سەردار ئیسماعیل، بەڕێوەبەری گشتی وەرزش لە وەزارەتی ڕۆشنبیری و خەسرۆ غازی، بەڕێوەبەری کاروباری ناوخۆی پارێزگا و هەزاران وەرزشوان و وەرزش دۆست لە کوردستان و عێراق و جیهان لە (پیاوان، ئافرەتان، مندالان، گەنجان، بەساڵاچووان، خاوەن پێداویستى تایبەت) بەدروشمى (وەرزش کۆمان دەکاتەوە) (10)یەمین ماراسۆنى نێودەوڵەتى و گەورەترین چالاکى وەرزشى ساڵ لە هەولێرى پایتەخت بەرێوەچوو.

جێگەی باسە، ئەمساڵ ماراسۆنى نێودەوڵەتى هەولێر سێ راکردنی لە خۆی گرتبوو، ماراسۆنى تەواو (42کم) و راکردنى (12کم) و راکردنى (2کم)، لە کۆتاییشدا، لەڕێورەسمێکی شایستەدا خەڵات بە سەر براوەکانی هەرسێ بەشی ڕاکردنەکە پێشکەش کرا.