لە بەرێوبەرایەتی ناسنامەی هەولێر، شوێنکى تایبەت بە منداڵان کرایەوە

لە بەرێوبەرایەتی ناسنامەی هەولێر، شوێنکى تایبەت بە منداڵان کرایەوە

نیوەڕۆی ئەمڕۆ یەکشەممە 2024.3.10، بە ئامادەبوونى ئومێد خۆشناو، پارێزگارى هەولێر و عەمید دیدار عومەر، بەڕێوەبەری گشتی رەگەزنامەى و کاروباری شارستانی هەرێم و عەمید سوهێل نەجمەددین، بەڕێوەبەری بەڕێوەبەرایەتی رەگەزنامە و کاروباری شارستانی هەولێر و جاکۆ پێرس، کونسڵى گشتى وڵاتی هۆڵەندا لە هەولێر و سەرۆک و ئەندامانى رێکخراوی NTHK ى هۆڵەندى، لە بەرێوبەرایەتی ناسنامە و کاروباری شارستانی هەولێر، لە ڕێورەسمێکدا شوێنی یاریکردنی منداڵان کە لەلایەن رێکخراوی NTHK بە هەماهەنگى پارێزگاى هەولێر و وەزارەتى ناوخۆى حکومەتى هەرێم دروستکراوە کرایەوە.

دواى کردنەوەى شوێنەکە، پارێزگارى هەولێر دەستخۆشى لە ریکخراوى ناوبراو و سەرپەرشتیارانى پڕۆژەکە کرد و ئومێدى خواست هەمان بیرۆکە و پڕۆژە لە شوێنەکانى تریش لە پێناو خزمەتکردنى منداڵان کە نەوەى داهاتووی نیشتیمانن دووبارە ببێتەوە.