لە هەولێر .. سێیەمین فیستیڤاڵی بەهارەی نەخۆشخانەی نانەكەلی بەڕێوەچوو

لە هەولێر ..
سێیەمین فیستیڤاڵی بەهارەی نەخۆشخانەی نانەكەلی بەڕێوەچوو

ئەمرۆ یەکشەممە 2025.4.20، بە ئامادەبوونى د.سامان بەرزنجى، وەزیرى تەندروستى و ئومێد خۆشناو، پارێزگارى هەولێر و د.دلۆڤان محەمەد، بەڕێوەبەرى گشتیى تەندروستى هەولێر و ژمارەیەکى تر لە پزیشک و کارمەندانى تەندروستى، سێیەمین فیستیڤاڵی بەهارەی نەخۆشخانەی نانەكەلی لە هەولێر بەرێوەچوو، بە نمایشکردنی چەندین کاری جیاواز.

فیستیڤاڵەکە بۆ ماوەی دوو رۆژ بەردەوام دەبێت و تێدا پێشانگای وێنە و دروستکردنی خواردن و فرۆشتنی کتێب و پشکنینی تەندروستی لە خۆ دەگرێت و، داهاتەکەشی بۆ دەرمانی نەخۆشانی شێرپەنجە تەرخان دەکرێت.

پارێزگارى هەولێر وێڕاى دەستخۆشى لە سەرپەرشتیار و ڕێکخەرانى، ئومێدى سەرکەوتن و بەردەوامى بۆ خواستن و هیوای سەلامەتی و تەندروستی بۆ هەموو منداڵان و تووشبووانى نەخۆشی شێرپەنجە خواست و دەستخۆشی لە بەڕێوەبەر و کارمەندان و ستافی نەخۆشخانەکەش کرد لە بەرامبەر ئەو خزمەتەی پێشکەش بە تووشبووان و نەخۆشانی شێرپەنجەى دەکەن.