ورمـێ... پارێزگاری ئازاربایجانی ڕۆژئاوا، سەردانی پارێزگاری هەولێری کرد

ورمـێ...
پارێزگاری ئازاربایجانی ڕۆژئاوا، سەردانی پارێزگاری هەولێری کرد

شەوی پێنجشەممە 2025.5.1، ڕەزا ڕەحمانی، پارێزگاری ئازاربایجانی ڕۆژئاوا ( ورمێ )، بە یاوەری ژمارەیەک لە پەرلەمانتارانی پەرلەمانی کۆماری ئیسلامی ئێران و جێگری پارێزگار و فەرمانداری شارەکانی شنۆ و نەغەدە و پیرانشار، لە شوێنی مانەوەی، سەردانی ئومێد خۆشناو، پارێزگاری هەولێری کرد.

لە دیدارێکدا، کە هەریەک لە بەرپرسی پەیوەندییەکانی نێوان هەرێمی کوردستان و کۆماری ئیسلامی ئێران و بەرپرسی کۆمەڵگای سنووری نێودەوڵەتی حاجی ئۆمەران و ستافی نوێنەرایەتی ئامادەی بوون، پارێزگاری ئازاربایجانی ڕۆژئاوا وێڕای بەخێرهێنان، خۆشحاڵی خۆی بەسەردانەکەی پارێزگاری هەولێر بۆ شارەکەیان نیشاندا.

لەلایەن خۆیەوە، پارێزگاری هەولێر، سوپاسی سەردانەکەی بەڕێزیان و شاندی یاوەری کرد و جەختی لە پتەوکردنی زیاتر پەیوەندییەکانی نێوان هەرێمی کوردستان و کۆماری ئیسلامی ئێران و نێوان هەردوو شاری هەولێر و ورمێ کردەوە.