پارێزگاری هەولێر، پێشوازیی لە بەرپرسی لقی2ی پارتی کرد

پارێزگاری هەولێر، پێشوازیی لە بەرپرسی لقی2ی پارتی کرد

ئەمرۆ دووشەممە 2025.5.19، ئومێد خۆشناو، پارێزگاری هەولێر، لە دیوانی پارێزگا، پێشوازیی لە بڵند ئیسماعیل، بەرپرسی لقی2 پارتى و کارگێڕانی لق کرد.

لە دیدارەکەدا، کە هەریەک لە عەلى ڕەشید، سەرۆکى ئەنجومەنى پارێزگا و هێمن قادر و مەسعود کاڕەش، جێگرانى پارێزگار و ئەکرەم ئەحمەد، یاریدەدەرى پارێزگار و نەبەزعەبدولحەمید، قائیمقامى ناوەندیى و کارزان عەبدولهادى، سەرۆکى شارەوانى و عەمید شوان عارەب، بەڕێوەبەرى پۆلیسى هەولێر و عەمید خەسرۆ غازى، بەڕێوەبەرى کاروبارى ناوخۆى پارێزگا ئامادەى بوون، بەرپرسى لقى2، کە مەبەستى سەردانەکەی کۆتایهێنان بوو بە کارەکانی وەکو بەرپرسى لقى2 لە هەولێر و دەستبەکاربوونى وەک بەرپرسى لقى10ى پارتى، سوپاسی پارێزگاری هەولێر و ئیدارەی پارێزگاى هەولێری کرد بۆ ئەو پەیوەندییە و هەماهەنگی و هاوکارییەى نێوان حزب و حکومەت و پارێزگاى هەولێر و لقى2 و هەموو ئەو ئاسانکارییانەی کە لە ماوەی ڕابردوودا پێشکەشیان کردووە.

لە بەرامبەردا پارێزگاری هەولێر، ڕۆڵى بەرێزیان لە پتەوکردنی پەیوەندییەکانی نێوان حزب و حکومەت و بە هێزکردنی هەماهەنگى نێوانیان بەرز نرخاند و وێڕای سوپاس هیواى سەرکەوتنى بۆ خواست، جەختیشى کردەوە لە داهاتووشدا هەمان پەیوەندی و دۆستایەتیان دەبێت لە پێناو خزمەتکردنى زیاترى هاوڵاتییان.