بەسەرپەرشتى پارێزگار، کۆبونەوەیەك لەگەڵ بەڕێوەبەرانى گشتیى فەرمانگەکانى سنوورى پارێزگاى هەولێر ئەنجامدرا
بەسەرپەرشتى پارێزگار، کۆبونەوەیەك لەگەڵ بەڕێوەبەرانى گشتیى فەرمانگەکانى سنوورى پارێزگاى هەولێر ئەنجامدرا
ئەمڕۆ سێشەممە 2025.6.17، بەسەرپەرشتى ئومید خۆشناو، پارێزگارى هەولێر و بە ئامادەبوونى موسا ئەحمەد، سەرۆکى دەزگاى خێرخوازى بارزانى و د.عەلى ڕەشید، سەرۆکى ئەنجومەنى پارێزگاى هەولێر و هێمن قادر و مەسعود کاڕەش، جێگرانى پارێزگار، لە دیوانى پارێزگا، کۆبونەوەیەك لەگەڵ بەڕێوەبەرانى گشتیى فەرمانگەکانى سنوورى پارێزگاى هەولێر ئەنجامدرا.
لە کۆبوونەوەکەدا، پارێزگارى هەولێر، سهبارهت بە کار و ئەرکى بەڕێوەبەرانى گشتیى فەرمانگە و بەڕێوەبەرایەتییەکان و فەرمانبەرانیان، جەختى لەوەکردەوە کارى فەرمانگە و دام و دەزگاکانى حکومەت خزمەتکردنى هاوڵاتییانە، بۆ ئەو مەبەستەش چی لە توانادایە بۆ خزمەتکردن و پێشکەشکردنى کارئاسانى و ڕاییکردنی کاروبارى هاوڵاتییان درێغی لێنەکرێت و بەوپەڕی ڕێزگرتن بەدەم خواست و داواکاری و داخوازییەکانی هاوڵاتییان بچن، گوتیشى، "ئامانجی لە پێشینەی حکومەتى هەرێمى کوردستان بە سەرۆکایەتى ڕێزدار مەسرور بارزانى، خزمەتکردنی هاوڵاتییان و گەیاندنی خزمەتگوزارییە بەشێوەیەکی یەکسان و بەبێ جیاوازی لە سەرجەم قەزا و ناحییە و گوندەکان".
لە تەوەرێکى ترى کۆبوونەوەکەدا، پارێزگارى هەولێر تەئکیدى لە بەرزکردنەوەى ئاستى پێشکەشکردنى خزمەتگوزارییەکان لە سێکتەرە جیاجیاکان لە سنوورى پارێزگاى هەولێر کردەوە، بۆ ئەو مەبەستەش ههموو پاڵپشتی و هاوکارى و هەماهەنگیهكى پارێزگاى ههولێری بۆ بەڕێوەبەرانی گشتیى فەرمانگە و دامودەزگاکانی حکومەتى هەرێمى کوردستان لە سنوورى پارێزگاى هەولێر دووپاتكردهوه.
