لە سەر قەڵات ... پێشوازیى لە شاندێکى باڵای دەوڵەتی ئیمارات کرا
لە سەر قەڵات ...
پێشوازیى لە شاندێکى باڵای دەوڵەتی ئیمارات کرا
ئەمشەو دووشەممە 2025.10.20، ساسان عەونی، وەزیری شارەوانی و ئومێد خۆشناو، پارێزگارى هەولێر و محمد شوکری، سەرۆکی دەستەی وەبەرهێنان و بەیانی سامی عەبدولڕەحمان، نوێنەری نووسینگەی سەرۆکی ئەنجومەنی وەزیران و فەلاح حەسەن، سەرۆکی فەرمانگەی ڕێکخراوه ناحکومییهكان و یادگار ئەرگوشی، سەرۆکی کۆمسیۆنی باڵای بوژاندنەوەی قەڵای هەولێر، لە سەر قەڵات، پێشوازیان لە شاندێکی باڵای دەوڵەتی ئیمارات بە سەرۆکایەتی عبداللە لووتا، جێگری وەزیر و بەرپرسی نووسینگەی هەماهەنگی لە ئەنجومەنی وەزیرانی شانشینی ئیماراتی عەرەبی کرد.
لە دیدارەکەدا، کە شەیخە بەشیر فەرحان، هەڵسورێنەری کونسوڵخانەی گشتیی ئیمارات لە هەولێر ئامادەی بوو، شاندی میوان چهند شوێنێكى كلتوورى و مێژووییان له سهر قهڵاتى ههولێر بهسهركردهوه و خۆشحاڵى خۆیان بەسەردانیکردنى هەولێرى پایتەخت و ئەو ئارامى و ئاسایش و ئاوەدانى و سەقامگیرییەى لە شارەکەدا بەرقەرارە نیشاندا.
جێگەى باسە، ئامانج لە سەردانەکەى شاندى ناوبراو بۆ هەولێرى پایتەخت، لە چوارچێوەی هەوڵەکانی هەرێمی کوردستان و دەوڵەتی ئیماراتە بۆ پەرەپێدانی پەیوەندییە سیاسی و بازرگانییەکانیان، ئیمارات یەکێکە لە گەورەترین هاوبەشە بازرگانییەکانی هەرێمی کوردستان و ئەو وڵاتە لە ساڵی 2006ەوە وەبەرهێنان و کارە بازرگانییەکانی لە هەرێمی کوردستاندا پەرەپێداوە، بەتایبەت لە کابینەی نۆیەمی حکومەتی هەرێمی کوردستان کار بۆ بەهێزکردنی ئەم پەیوەندییە ئابوورییە زیاتر کراوە.
