پارێزگاری هەولێر پێشانگایەکی شێوەکاری دەکاتەوە

پارێزگاری هەولێر پێشانگایەکی شێوەکاری دەکاتەوە

ئێوارەی ئەمڕۆ چوارشەممە 2026.5.20، ئومێد خۆشناو، پارێزگاری هەولێر، لە گەلەریی شانەدەر، پێشانگایەکی شێوەکاریی تایبەتی بۆ هونەرمەند " بنار پیرداود " لەژێر ناونیشانی "ئاسمانی هەورە بەرزەکان" کردەوە.

لە ڕێورەسیمی کردنەوەی پێشانگاکەدا، کە سیروان عوسمان، بەڕێوەبەری گشتیی ڕۆشنبیری و هونەری هەولێر و ژمارەیەکی بەرچاو لە هونەرمەندان، ڕۆشنبیران و هونەردۆستان ئامادەی بوون، پارێزگاری هەولێر بەشەکانی پێشانگاکەی بەسەرکردەوە و لە نزیکەوە تەماشای تابلۆ و بەرهەمە هونەرییەکانی کرد.

پاشان دەستخۆشی لە هونەرمەند کرد بۆ نمایشکردنی کارە جوانەکانی و هیوای سەرکەوتنی بەردەوامی بۆ خواست، هەروەها دووپاتی کردەوە کە پارێزگای هەولێر هەمیشە بەردەوام دەبێت لە پاڵپشتیکردنی بزووتنەوەی ڕۆشنبیری و هونەری و هاندانی بەھرەمەندان لە پێناو دەوڵەمەندکردنی کایەی کولتووری لە شارەکەدا.