پارێزگاری هەولێر سەردانی هونەرمەند شێرزاد سەرسپی دەکات

پارێزگاری هەولێر سەردانی هونەرمەند شێرزاد سەرسپی دەکات

ئێوارەی ئەمڕۆ شەممە 2026.5.23، بەمەبەستی لە نزیکەوە ئاگاداربوون لە دۆخی تەندروستی، ئومێد خۆشناو، پارێزگاری هەولێر، بەیاوەری سیروان عوسمان، بەڕێوەبەری گشتی ڕۆشنبیری و هونەر، سەردانی هونەرمەندی دێرین و ناسراوی شاری هەولێر (شێرزاد سەرسپی) کرد.

پارێزگاری هەولێر لە نزیکەوە لە ڕەوشی تەندروستی هونەرمەندی پرسی و هیوای لەشساغی، تەندروستییەکی باش و تەمەندرێژی بۆ خواست.

هاوكات ئامادەیی پارێزگای نیشاندا بۆ پێشکەشکردنی هەر هاوکاری و پاڵپشتییەکی پێویست بۆ چارەسەری و باشتربوونی دۆخی تەندروستی.

لای خۆیانەوە، هونەرمەند و بنەماڵەکەی سوپاس و پێزانینی خۆیان ئاراستەی پارێزگاری هەولێر کرد بۆ ئەم بەسەرکردنەوەیە و هەواڵپرسین و خەمخۆریان بۆ ڕەوشی تەندروستی هونەرمەندان.