یانەی هەولێر بە بردنەوەیەکی مێژوویی بلیتێکی کەنداوی بەدەستهێنا

یانەی هەولێر بە بردنەوەیەکی مێژوویی بلیتێکی کەنداوی بەدەستهێنا

ئێوارەی ئەمڕۆ سێشەممە 2026.6.2، لە نێو کەشێکی وەرزشی پڕ لە جۆش و خرۆشدا لە یاریگای نێودەوڵەتی شەهید فەڕەنسۆ هەریری، بە ئامادەبوونی ئومێد خۆشناو، پارێزگاری هەولێر، زانا مەلاخالید، بەرپرسی لقی2ی پارتی، و چیمەن بابەکر، ئەندامی پەرلەمانی عێراق و ژمارەیەکی یەکجار زۆر لە پێشەنگانی وەرزشی، وەرزشوانان، و هاندەرانی دڵسۆزی یانەکە، دواین یاری یانەی هەولێر بەرامبەر بە یانەی ئەمانەی بەغدا، لە چوارچێوەی ڕکابەرییەکانی خولی ئەستێرەکانی عێراق بەڕێوەچووە.

لەو یاریەدا هەولێر توانی ئاستێکی بەرز و سەرنجڕاکێش پێشکەش بکات و یارییەکە بە ئەنجامی ( 3 ــ 1 ) گۆڵ لە بەرژەوەندی خۆی کۆتایی پێ بهێنێت، بەم سەرکەوتنە گەورەیەش یانەی هەولێر دوو دەستکەوتی گرنگی تۆمارکرد، یەکەم جێگیرکردنی پێگەی خۆی لە پلەی سێیەمی ڕیزبەندی کۆتایی خولی ئەستێرەکانی عێراق، و دووەمیش بەدەستهێنانی بلیتی فەرمی بۆ بەشدارییکردن لە پاڵەوانێتی داهاتووی یانەکانی کەنداو.

جێگەی باسە، ئەم سەرکەوتنە وەک دەستکەوتێکی مێژوویی و گرنگ بۆ وەرزشی هەولێری پایتەخت هەژماردەکرێت و هاندەرانی یانەکە ئومێدی سەرکەوتنی گەورەتری لێ دەخوازن لە یارییە هەرێمییەکانی داهاتوودا.