هەولێر .. دووەمین کۆنفرانسی نێودەوڵەتی نەخۆشییەکانی دڵ بەرێوە چوو

هەولێر .. دووەمین کۆنفرانسی نێودەوڵەتی نەخۆشییەکانی دڵ بەرێوە چوو

ئێوارەی ئەمرۆ پێنجشەممە، رێکەوتی 25.6.2026 بەبەشداری دکتۆر سامان بەرزنجی وەزیری تەندورستی و ئومێد خۆشناو پارێزگاری هەولێر، دکتۆر دلۆڤان محەمەد بەرێوەبەری گشتی تەندورستی هەولێر، دووەمین کۆنفرانسی نێودەوڵەتی نەخۆشییەکانی دڵ بە بەهاوبەشی ژمارەیەک لە پسپۆڕان و پزیشکانی ناوخۆیی و نێودەوڵەتی لە هەولێر بەڕێوەچوو.

ئەم کۆنفرانسە بە مەبەستی گۆڕینەوەی ئەزموون و زانیارییە زانستییەکان لە بواری چارەسەری و پێشگیری نەخۆشییەکانی دڵ ڕێکخرا.

لە ماوەی کۆنفرانسەکەدا، توێژینەوە و وتاری زانستی لەسەر نوێترین پێشکەوتنە پزیشکییەکان بواری دڵ و شێوازەکانی دەستنیشانکردنی زوو، چارەسەری پێشکەوتوو و گرنگی ئاراستەکردنی ژیانی تەندروست پێشکەش دەکرێ.

لە وتارو توێژینەوەکان گرنگی هاوکاری نێوان ناوەندە تەندروستییەکان و دامەزراوە زانستییەکان دووپاتکرایەوە، ئەوەش بۆ بەرزکردنەوەی ئاستی خزمەتگوزارییە پزیشکییەکان و کەمکردنەوەی ڕێژەی تووشبوون بە نەخۆشییەکانی دڵ .