هەولێر …. پەردە لەسەر تابلۆیی سەر دیواری رەوانشاد شاعیرو نوسەرو پێشمەرگەی شاخ( فەرید زامدار) لادرا

هەولێر ….
پەردە لەسەر تابلۆیی سەر دیواری رەوانشاد شاعیرو نوسەرو پێشمەرگەی شاخ( فەرید زامدار) لادرا

ئێوارەی ئەمڕۆ سێشەممە، 15.9.2026 لەژێر چاودێری و بە ئامادەبوونی ئومێد خۆشناو پارێزگاری هەولێر، سیروان عوسمان بەڕێوەبەری گشتی ڕۆشنبیری و هونەری هەولێر و خانەوادەی رەوانشادو کەسایەتی رۆشنبیری ئازاد جوندیانی و ژمارەیەکی بەرچاو لە نووسەران و شاعیران، لە رێورەسمێکدا پەردە لەسەر تابلۆیی سەر دیواری رەوانشاد شاعیرو نوسەرو پێشمەرگەی شاخ( فەرید زامدار) لادرا.

لە چوارچێوەی ئەم ڕێزلێنانەدا، بە مەبەستی ڕێزگرتن لە ژیان و بەرهەمە ئەدەبی و هونەرییەکانی فرید زامدار، بەڕێوەبەرایەتی گشتی ڕۆشنبیری و هونەری هەولێر یادەوەری و وێنەی ئەو زاتەی لە یەکێک لە شوێنە دیارەکانی شاری هەولێر شەقامی شەست مەتری نەخشاند، تاوەکو ناوی ئەم شاعیر و نووسەرە و خزمەتەکانی بۆ ئەدەب و ڕۆشنبیری، بەشێک بن لە بیرەوەریی کۆمەڵگای هەولێر.

ئەم هەنگاوە، لەگەڵ ئەوەی ڕێزلێنانێکی تایبەتە بۆ کەسایەتی و بەرهەمەکانی فرید زامدار، پەیامێکیشە بۆ گرنگیدان بە میراتی ڕۆشنبیری و هونەری کەسایەتیەکانی شاری هەولێر و پاراستنی بیرەوەری و ناوی ئەو کەسانەی بە قەڵەم و هونەر بەشێکی گرنگیان لە دروستکردنی مێژووی ڕۆشنبیریی هەولێر هەبووە.
شایەنی باسە ئەم تابلۆ هونەریە لەلایەن شێوەکار (بەشدار قادر ) لەسەر دیوار نەخشێندراوە .