ئاهەنگی ساڵڕۆژی بەرنامەی هاوکاری خێزان لە هەولێر بەڕێوەچوو

ئاهەنگی ساڵڕۆژی بەرنامەی هاوکاری خێزان لە هەولێر بەڕێوەچوو

ئاهەنگی ساڵڕۆژی بەرنامەی هاوکاری خێزان (FAP)، بە ئامادەبوونی هێمن قادر، جێگری پارێزگاری هەولێر، و ژمارەیەک لە بەرپرسانی حکومی و حیزبی و رێکخراوەکان، ئەمڕۆ چوارشەممە7.10.2026 لە شاری هەولێر بەڕێوەچوو.

بەرنامەی FAP لە ماوەی دە ساڵی ڕابردوودا ڕۆڵێکی گرنگی لە پشتگیری کۆچبەرەکان و خێزانەکانیاندا هەبووە و لە پرۆسەی یەکگرتنەوەی خێزانەکان، بە تایبەتی ئەو خێزانانەی بەهۆی کۆچکردن، ململانێ و ئاوارەبوونەوە لێک جیا بوونەتەوە، خزمەتگوزاری و هاوکاریی پێویستیان پێشکەش کردوون .

ئەم بەرنامەیە بەردەوامە لە پێشکەشکردنی خزمەتگوزارییە پشتگیرییە بێبەرامبەرەکان بۆ کەسانی پێویستدار، لەوانە هاوکاری لە پرۆسەی داواکاری ڤیزە، پشتڕاستکردنەوەی بەڵگەنامەکان و بەڕێوەبردنی کەیسەکان بۆ سودمەندانی لاواز، بە مەبەستی یارمەتیدانیان بۆ گەیشتن بە چارەسەرێکی گونجاو و ژیانێکی سەقامگیر.