پارێزگارى هەولێر، (69)هەمین ساڵیادى دامەزراندنی یەکێتى ئافرەتانى کوردستان پیرۆز دەکات
بەڕێزان سکرتێرى یەکێتى ئافرەتانى کوردستان..
ئەندامانى مەکتەبى سکرتاریەت، ئەنجومەنى باڵا
بەبۆنەى(69)هەمین ساڵیادی دامەزراندنى یەکێتى ئافرەتانى کوردستان گەرمترین پیرۆزبایی لە سکرتێر و ئەندامانی مەکتەبی سکرتاریەت و ئەنجومەنی باڵای یەکێتیی ئافرەتانی کوردستان و خانەوادەى سەربەرزى شەهیدانى ئافرەتان و تەواوی ئافرەتانی کوردستان دەکەین. هیوادارین لە تێکۆشان بۆ بەرگریکردن لە مافەکانی ئافرەتان و داکۆکیکردن لە ئازادى و یەکسانى هەمیشە سەرکەوتووبن.
بەو بۆنەیەوە جارێکى دیکە تەواوى پاڵپشتى و پشتیوانى خۆمان بۆ یەکێتییەکەتان و سەرجەم ئافرەتان دووپات دەکەینەوە و ئومێد دەکەین هەمیشە پێشەنگ و پێشڕەوى بزووتنەوەى ئافرەتانى کوردستان بن بۆ بەدەستهێنانى خواست و داخوازییە رەواکانتان.
دووبارە ئەم یادە لە ئێوەى بەڕێز و تەواوی ئافرەتانی کوردستان پیرۆزبێت.
ئومێد خۆشناو
پارێزگارى هەولێر