پارێزگارى هەولێر، سەردانى سەنتەرى خانەنشینانى هەولێرى کرد

دووشەممە 2022.1.3، ئومید خۆشناو، پارێزگارى هەولێر، بەیاوەرى موسا ئەحمەد، سەرۆکى دەزگاى خێرخوازى بارزانى، لەباغى شار سەردانى سەنتەرى خانەنشینانى هەولێرى کرد و بەبۆنەى سەرى ساڵى نوێوە دیاری و خەڵاتی تایبەتی وەک ڕێزلێنان بەرامبەر بەو خزمەت و ماندووبونی چەندین ساڵەی پێشکەشیانکردووە، پێشکەش کردن.
پارێزگارى هەولێر لەسەردانەکەیدا کە هەریەک لە نەبەز عەبدولحەمید، قائیمقامى ناوەند و سروە ڕەسوڵ بەڕیوەبەرى EJCC/ پارێزگاى هەولێر ئامادەی بوون، ڕایگه‌یاند: "ئه‌مڕۆ لەگەڵ ئه‌و مرۆڤانە بەڕێزانەین کە له‌ڕابردوودا هه‌ریه‌ك له‌بواره‌كه‌ى خۆیدا به‌شێكى زۆرى ته‌مه‌نى پێشكه‌ش به‌ خزمه‌تكردنى شارى هه‌ولێر و كوردستان كردووه‌، ئێوە کەس کارى ئێمەن و ئێمەش قەرزارى ئێوەین، ئێوە ئه‌و مرۆڤه‌ بەڕێز و گه‌ورانه‌ن كه‌ خزمه‌تێكى زۆرتان پێشكه‌ش كردووه‌ و شایه‌نى ئه‌وه‌ن وه‌كو ئیداره‌ى هه‌ولێر خزمه‌تان بكه‌ین".
دواتر لەلایەن پارێزگارى هەولێر و سەرۆکى دەزگاى خێرخوازى بارزانى و قائیمقامى ناوەند دیاری و خەڵاتی تایبەت پێشکەش بە خانەنشینانکرا کە لەلایەن دەزگاى خێرخوازى بارزانى بەهەماهەنگی EJCC/ پارێزگاى هەولێر بۆیان ئامادەکرابوو.