سکتان

سکتان

ناحیەی سکتان سەر بەقەزای کۆیەیە و ژمارەی گوندەکانی  ١١ گوندە رێژەی دانیشتوانیشی ٥٢٠٠ کەسن

 

ناحیەی سكتان ناوەكەی لە ناوی گوندی (سكتان)وە هاتووە ، كە لە كاتی دروست بوونی ئەم ناحییە لە لایەن لیژنەێك پێشنیاری چەند ناوێك كراوە ، بەڵام دواتر بریار لە سەر ناوی ئەو گوندە دراوە كە بووە بە ناوەندی ناحیەكە وە سنوری ناحیەكە دەكەوێتە ناوچەی خۆشناوەتی كە بە دۆڵی (هیران و نازەنین) ناسراوە ، بە فەرمانی ئەنجومەنی وەزیران ژمارە (309) لە 5/6/2005 بریاری دامەزراندنی دراوە ، ژمارەی گوندەكانی (11) گوندە و لە رووی ئیداریەوە سەر بە قەزای كۆیە ، دووری لە ناوەندی پارێزگای هەولێر (80)كم ، وە لە قەزای كۆیە (30)كم دورە وە هاوسنوری ناحیەی هیران كە (10) كم دوورە لێیەوە وە ژمارەی دانیشتوانی (200 5) كەسە.

 

تاكو ئێستا (12) فەرمانگە و بنكە لە ناوەندی ناحیەكە كراوەتەوە ، زانیاری تەواو لەم خشتەیەی خوارەوە

 

                ناوی بەرێوبەرایەتی یان فەرمانگە

                سەرۆکی شارەوانی 

                فەرمانگەی ئاو

                بنکەی پۆلیسی ناوخۆ

                بنکەی ئاسایش

                بنکەی بەرگری شارستانی

                بنکەی پۆلیسی هاتوچۆ

                بنکەی پۆلیسی دارستان

                فەرمانگەی دارایی  

                فەرمانگەی باری شارستانی

                کتێب خانەی گشتی 

                مەڵبەندی تەندروستی

هۆبەی کشتوکال

                                                                                               

 

 

هەڵکەوتەی جوگرافی ناحیەی سکتان:

 

هەڵكەوتەی جوگرافی ناوەندی ناحیەی سكتان شاخاویە . لە نێوان هەردوو لوتكە شاخی كنێران و دارۆشە دایە ، بەشی سەرەوی كەوتۆتە دۆڵایەكی تەنگەبەر بە داری جۆراوجۆر ڕازاوەتەوە وە لە بەشی سەروەوی دۆڵایەكە كانیاوێكی جوان و رازاوەی لێیە بە ناوی سەروكانی وە لەسەر ئەو ئاوە ئاسەواری چەندین ئاش دەبینرێت كە مێژووەكەیان زۆر كۆنە . ناحیەی سكتان دەكەوێتە باكوری قەزای كۆیە وە لای رۆژئاوای ناحیەی هیرانە وە لای باكوری ناحیەی بالیسانە وە لای رۆژهەڵاتی قەزای رانیەیە.

 

 

 

سنوری ناحیەی سكتان وەك لەسەرەوە ئاماژەی پێكرا ، بەشێكە لە ناوچەی دۆڵی هیران و نازەنین , سنورەكەی لە لاێك لە گوندی كونەفلوسە دەست پێ دەكات تاكو گوندی قاقا وە لە لایەكی تری لە گوندی نازەنین تا گوندی جەلی ، رووبەرەكەی 150,70كم دووجایە بەرێژەی  54% شاخاوییە و رێژەی 23% دەشتە و رێژەی 23%گردە ، ناوچەكە سروشتێكی جوان و گەشتیاری هەیە كە لە وەرزی هاوین رێژەیەكی بەرچاوو لە گەشتیاران رووی تێدەكەن ، وە باران بارین لە ساڵانی ئاسایی نزیكەی (800)ملم لە ساڵێكدا بۆ نمونە ئەم ساڵ (2013)  (940)ملم باریووە وە ئاو و هەواكەی تا رادەێك شێدارە و لە وەرزی زستان رێژەیەكی باش بەفری لێ دەبارێت .

 

 

 

ناوی  گوندەکانی ناحیەی سکتان:-

ژ

ناوی گوند

ساڵی ئاوەدان کردنەوە

1

                نازەنین                    

١٩٩١

2

                کاموسەک               

١٩٩١

3

                جەلی                      

١٩٩١

4

                کۆلکەرەش              

1991

5

                قاقا                          

١٩٩١

6

                کۆدەرە                    

١٩٩١

7

                کونەفلوسە               

١٩٩١

8

                سناوە                       

١٩٩١

9

                گردگۆران                               

١٩٩١

10

                ئاور                        

ئاوەدان نیه

11

                گردەشێر                 

ئاوەدان نیه

                                               

 

مێژووی ناوی سكتان:-

 

مێژووی یەكەی كارگێری ناحیەی سكتان لەبەر ئەوەی ناحیەیەكی نوێیە لە ساڵی 2005 دامەزراوە مێژووێكی ئەوتۆی نیە وەك یەكەی كارگێری ، بەڵام ناوچەكە مێژووێكی دێرینی هەیە لە بوونی چەندین گۆرستانی پێش هاتنی ئاینی ئیسلام و شوێنەواری هەندێ‌ جۆگەی بەردین و ئاشەی ئاو و ژمارەیەك قەڵاتی بچوك لەوانە (قەڵاتی باسا اغا) كە پێگەیەكی سەربازی و كۆكردنەوەی داهات و بەروبومی كشتوكاڵی بووە لە سەردەمی میرنشینی سۆران ، وە سەردمێك سكتان سنوری نێوان میرنشینی سۆران و بابان بووە تا ئەو كاتەی شەر روویداوە لە نێوان هەردوو میرنیشن سنوری میرنشینی سۆران گەیشتۆتە قەزای دووكان وەك لە بەرگی دووەم بەشی یەكەمی (مێژووی كۆیە)ی  مامۆستا تاهیر حوێزی دا هاتووە لە لاپەرە (91) بابەتی شەری سكتان وە لە ناوچەكە چەندین ئاسەواری مێژوویی گرنگی تیادایە وەك قەڵاتەڕەش لە گەندی نازەنین و ئاوەگرد و ئەشكەوتی سەرگرد و ئەشكەوتی سۆری مێرابێ .

 

 

ناوی سكتان وەك خەڵكی ناوچەكە باسی لێوە دەكات دوو رای جیاواز هەیە , لەوانە دەوترێت كە مێژووەكەی دەگەرێتەوە بۆ پێش هاتنی ئاینی ئیسلام , لە ناوی كچی پاشایەكی سەردەمی مسیحیەت هاتووە كە ناوی سكتان بووە ، وە رای دووەم دەوترێت لە ناوی گوڵێك هاتووە كە ناوی (ستكە) كە وەرزی بەهاران بەرێژیەكی بەرچاو لە سكتان دەروێت .

 

 

باری ئابووری ناحیەی سکتان:-

 

باری ئابوری خەڵكی ناوچەكە تا ڕادەێك باشە , بژێوی ژیانی خەڵكی ناوچەكە بەرێژەێك موچە خۆری حكومەت وە خەریكی كشتوكاڵن بە تایبەت خاوەنی باخچەن , ناوەچەكەش بە میوەی هەنار بەناوبانگە بە تایبەت گوندی نازەنین ، لە تەواوی سنوری ناحیەی سكتان رێژەێكی بەرچاو كانیاو و ئاوی سروشتی تێدایە كە سەرچاوەی ئاودانی باخچەكانیانن , بەپێی ئاماری هۆبەی كشتوكاڵی سكتان سنوری ناحیە (58324) دۆنم زەوییە لەو بریە (13484) دۆنم شیاوە بۆ چاندن وە ئەمەش دابەش بووە بەسەر (1437) دۆنم بەراوە وە (11231) دۆنم پشتاو وە (789) دۆنم رەزە ، بری (22124) دۆنم پاوانە وە (33) كانی سروشتی لە ناوچەكە هەیە , (7) كێڵگەی پەلەوەر هەیە , بەپێی ئاماری بنكەی ڤێرتێنەری (778 20) سەر سامانی ئاژەڵی هەیە لە جۆری مەر  و بزن و ڕەشەوڵاغ لێیە.

 

 

 

باری كۆمەڵایەتی لە سنوری ناحیە لەرووی نەتەوە بەرێژی 100% كوردن وە لە رووی ئاینی 100% موسڵمانن.

 

 

لە رووی پرۆژەی خزمەت گوزاری تا رادەێك باشە , دوو پرۆژەی ستراتیجی گرینگ لە ناوچەكە ئێستا لە قۆناغی جێبەجێ كردنن لەوان هەردوو بەنداوی (جەلی و نازەنین) كە كاریگەرێكی باشی دەبێت لە گلدانەوەی ئاو لە سنورەكە كە ئەمەش دەكرێت سوودی لێ وەربگرێت بۆ مەبەست زیاتر فراوانكردنی پانتایی سەوزایی لە ناوچەكە وە بە گەشتیاری كردنی زیاتری سنورەكە .

 

 

گرینگترین پرۆژەكانی سنورەكە لە ساڵی 2005 تا 2013

 

1              دروست كردنی (6) بینای خوێندنگا ساڵانی (2005 و 2010)

2              2006    دروست كردنی دوو مەڵبەندی تەندروستی و (3) بنكەی تەندروستی ساڵی

3              (2012)  ڕاكشانی تۆری كارەبا بۆ دوا گوندی سنورەكە (كونەفلوسە – كۆدەرە) ساڵی

4              دروست كردنی كۆمەڵگای فەرمانگەكان ساڵی 2008

5              هۆڵی بۆنەكان ساڵی 2008

6              یاریگای وەرزشی ساڵی 2008

7              دروست كردنی پاركی سكتان ساڵی 2009

8              پرۆژەی قیرتاوكردنی رێگای گوندی نازەنین ساڵی 2008

9              بردنی ڕێگاو تێكەڵە ڕێژكردنی ڕێگای گوندی كونەفلوسە ساڵی 2008

10           تۆری دابەش كردنی ئاوی گوندەكانی (قاقا و كۆدەرە و كونەفلوسە و جەلی و كۆلكەرەش و كاموسەك)

11           لێدانی (17) بیری ئیرتوازی بۆ ئاودێری و ئاوی خواردنەوە لە ساڵی (2006 تا 2013)

12           دروست كردنی (8) جۆگەی كۆنكریتی لە سنورەكە لە ساڵی (2005 تا 2013)

13           قیرتاو كردنی رێگای سكتانی سەروو ساڵی 2009

     14دروست كردنی دارستان و سیاج كردنی و چاندنی (3500) دار ساڵی 2010

    15دروست كردنی بەشێكی زۆری زێرابی ناوەندی ناحیە ساڵی 2010

    16 دوساید كردنی رێگای ناوەندی ناحیە ساڵی 2011

   17قیركردنی رێگای هەردوو گوندی (كۆدەرە و كونەفلوسە) ساڵی 2012

  18 نۆژەن كردنەوەی رێگای سەرەكی كە بە سنوری ناحیەكەدا تێدەپەرێت لە سەرەتاوە تا كۆتایی  ساڵی 2012

   19  دروست كردنی پرۆژەی بەنداوی نازەنین ساڵی 2012

   20  دروست كردنی تۆری دابەش كردنی ئاو بۆ گەرەكەكانی سنوری شارەوانی ساڵی 2012

   21 پرۆژەی كۆنكریت كردنی كۆڵانەكانی سنوری شارەوانی ساڵی 2013

 

لەگەڵ هەندێ‌ پرۆژەی بچووك و نۆژەن كردنەوە لە سنورەكە

 

تێبینی : ئه‌و زانیاریانه‌ی سه‌ره‌وه‌ له‌ لایه‌ن ناحیه‌ی  (سکتان) وه‌رگیراوه‌ ئێمه‌ وه‌کو ستافی ماڵپه‌ری پارێزگا رێکمان خستوه‌ته‌وه