لە هەولێر .. بە زیاتر لە (1 ملیار دینار) پارکێکی گەورە دروست دەکرێت
لە هەولێر .. بە زیاتر لە (1 ملیار دینار) پارکێکی گەورە دروست دەکرێت
لە پێناو پاراستنی ژینگە و زیادکردنی ڕێژەی سەوزایی، لە گەڕەکی ژیانی شاری هەولێر لەسەر ڕووبەری 17هەزار مەتری چوارگۆشە بەگوژمەی (1 ملیار و 40 ملیۆن دینار) دەستدەکرێت بە دروستکردنی پارکێکی نوێ، لە ئێستادا هەموو ئامادەکارییەک کراوە و لەونزیکانە دەست بەدروستکردنی دەکرێت.
لە هەولێر بەشێوەیەکی گشتی (450) پارک و باخچە و دارستان هەیە، ڕێژەی سەوزایی گەیشتۆتە 19.5%، بەڵام لە پێناو زیادکردنی ڕێژەیی سەوزایی، جگە لە بەردەوامیدان بە هەڵمەتی چاندنی دار و نەمام لە دورگەی ناوەندی شەقام و شوێنە گشتیەکان، لە پلان و بەرنامەی پارێزگای هەولێر دایە پارک و باخچە و دارستانی دیکەی نوێ لە هەولێر دروستبکرێت.