هەولێر.. منداڵان نامەیەک بۆ گیانی شەهید "ژینا پێشڕەو" دەنێرن

هەولێر..
منداڵان نامەیەک بۆ گیانی شەهید "ژینا پێشڕەو" دەنێرن

ئەمڕۆ دووشەممە 2024.1.22، بەئامادەبوونی ئومێد خۆشناو، پارێزگاری هەولێر و سەفین دزەیی، بەرپرسی پەیوەندییەکانی دەرەوەی حکومەتی هەرێم و د.ئاراس خۆشناو، بەرپرسی ڕێکخراوە پیشەییەکانی پارتی و لوقمان سەعید، بەڕێوەبەری گشتیی پەروەردەی هەولێر و خانەوادەی شەهید پێشڕەو دزەیی و ژمارەیەکی تر لە بەرپرسان و مامۆستایان، لەبەردەم پەیکەری وڵات لە ئیمپایەر، بۆ ڕێزلێنان لەگیانی ژینا پێشڕەو دزەیی، ئەو منداڵە تەمەن کەمتر لەیەک ساڵەی کە لەئەنجامى هێرش و پەلامارى هەفتەی ڕابردووی سوپای پاسدارانی ئێران بۆ سەر شاری هەولێر شەهیدبوو، بەڕێوەبەرایەتی چالاکی قوتابخانەکانی هەولێر ئۆپەرێتێکی لەژێر ناونیشانی "نامەیەک بۆ ژینا دزەیی" بەبەشداری ژمارەیەک لە منداڵانی باخچەی ساوایان پێشکەشکرد.