بەئامادەبوونى پارێزگارى هەولێر، یارى کۆتایی خولى (22)ە مینى ڕەمەزان بەڕێوەچوو

بەئامادەبوونى پارێزگارى هەولێر، یارى کۆتایی خولى (22)ە مینى ڕەمەزان بەڕێوەچوو

شەوی پێنجشەممە 2024.4.4، بەئامادەبوونى ئومێد خۆشناو، پارێزگاری هەولێر و هەڤاڵ عەبدولعەزیز، کارگێڕی لقی2ی پارتی و ئەندامانی مەکتەبی سکرتاریەتی یەکێتی لاوان و ژمارەیەکی زۆر لە وەرزشوان و وەرزش دۆستان و لاوان، لەیاریگای گەڕەکی موفتی لەشاری هەولێر یارى کۆتایی خولى (22)ەمینى ڕەمەزان بەڕێوەچوو کە لەلایەن ناوەندى باڵاى هەولێرى یەکێتى لاوانى دیموکراتى کوردستان بەبەشداری (150) تیپی شاری هەولێر ئەنجامدرابوو.

لەیاریی کوتاییدا و لەیارییەکی قورس لەنێوان هەردوو تیپی ( دیوان ) و ( هەڵگوورد) و بەکۆتاهانی یارییەکە بە یەکسان بوون بۆ هەردوو تیپ، تیپی( هەڵگوورد) توانی بە لێدانی یەکلاکەرەوە لە بەرژەوەندی خۆی یارییەکە
بەکۆتا بێنێت و ببێ بە پاڵەوان و خاوەنی نازناوی خولەکە، لەکۆتایی یاریەکەشدا لەلایەن پارێزگاری هەولێر و ئامادەبووان جامی پاڵەوانیەتیەکە و خەڵاتی یارییەکان بەسەر یەکەم و دووەم و سێیەم و سەرپەرشتیارانی خولەکە دابەشکرا.