پارێزگاری هەولێر، سەردانی ئیدارەی سەربەخۆی زاخۆی کرد
پارێزگاری هەولێر، سەردانی ئیدارەی سەربەخۆی زاخۆی کرد
ئەمڕۆ دووشەممە 2024.4.29، ئومێد خۆشناو، پارێزگاری هەولێر، بە یاوەری سەرۆکی ژووری بازرگانی و بەڕێوەبەرانى گشتیى گەشت و گوزرا و کشتوکاڵى هەولێر و سەرۆکى شارەوانى هەولێر و ئەندامانی ژووری بازرگانی و پیشەسازی هەولێر و ژمارەیەک لە وەبەرهێنەران، سەردانی ئیدارەی سەربەخۆی زاخۆی کرد و لە لایەن گوهدار شێخۆ، سەرپەرشتیاری ئیدارەی سەربەخۆی زاخۆ پێشوازی لێکرا.
لە دیدارەکەدا، گفتوگۆ لە بارەی پڕۆژە خزمەتگوزارییەکانى پارێزگاى هەولێر و ئیدارەی سەربەخۆی زاخۆ کرا، کە توانراوە بە شێوەیەکى فراوان پێداویستی و بەشێکی زۆر لە خواست و داواکارییه‌كانی هاووڵاتییان جێبەجێبکرێت و پڕۆژەکان بگەێنرێت بەو شوێن و جێگایانەى کە پێویستن.
دواتر هەردوولا تیشکیان خستەسەر پلان و بەرنامەی کاری کابینەی نۆیەمی حکومەتی هەرێمی کوردستان لە پێناو زیاتر خزمەتکردنی هاوڵاتییان و گەیاندنى دەستى ئاوەدانى بۆ هەموو ئەو شوێن و جێگایانەی کە پێویستن.