پارێزگاری هەولێر پێشوازی لە وەزیری بازرگانی عێراق کرد
پارێزگاری هەولێر پێشوازی لە وەزیری بازرگانی عێراق کرد
شەوی چوارشەممە 2024.9.4، ئومێد خۆشناو، پارێزگاری هەولێر، لە فرۆکەخانەی نێودەوڵەتی هەولێر، پێشوازی لە " أثير داود الغريری " وەزیری بازرگانی عێراقی فیدراڵ کرد.
لە دیدارەکەدا، کە فارس عیسا، بەرپرسی نوێنەرایەتی حکومەتی هەرێمی کوردستان لە بەغدا ئامادەی بوو، پارێزگاری هەولێر، وێڕای بەخێرهێنانی، خۆشحاڵی خۆی بەسەردانەکەی بۆ هەولێری پایتەخت نیشاندا و تەئکیدی لە پتەوکردنی پەیوەندییەکان و ههماههنگی و هاوکاری نێوان پارێزگای هەولێر و وەزارەتی بازرگانی عێراق کردەوە، هەروەها سوپاسی هەوڵی بەڕێزیانی کرد لە پرسی چارەسەرکردنی کێشەی دارایی جوتیارانی هەرێمی کوردستان.
لەلایەن خۆیەوە وەزیری بازرگانی عێراق، سوپاسی پارێزگاری هەولێری کرد بۆ پێشوازیی و ئامادەیی خۆشی بۆ هەر هاوکاری و هەماهەنگییەک لەگەڵ پارێزگای هەولێر نیشاندا.
