لە هەولێر ... دەست بە قیڕتاوكردنی شەقامی 60 مەتری گەڕەكی فەرمانبەران كرا، بە گوژمەی زیاتر لە یەك ملیار دینار
بە گوژمەی ( 1 ملیار و 237 ملیۆن و 350 هەزار دینار ) لە سەر بودجەی پارێزگای هەولێر، دەست بە قیڕتاوکردنی شەقامى 60 مهترى گەڕەکی فەرمانبەران بە درێژی 2400 مەتر دووجا و بە بڕی 72 هەزار مهتر دووجا قیڕتاوکردن کرا و لەو نزیکانە پڕۆژەکە بەکۆتا دێت و بەڕووی هاتووچۆی هاوڵاتییان دەکرێتەوە.
شەقامى 60 مەتری گەڕەکی فەرمانبەران، یەکێکە لە شەقامە گرنگەکانی شاری هەولێر و هەردوو شەقامی سەرەکیى 120 مەتریى خێرا و شەقامی کەندی کۆرنیش بەیەکەوە دەبەستێتەوە، بە تەواوبوونى ئاسانکارییەکى زۆر پێشکەش بە هاوڵاتییان دەکات.
