پەیامی پیرۆزبایى پارێزگاری هەولێر، بەبۆنەی (127) ساڵەى ڕۆژنامەگەریی كوردی

پەیامی پیرۆزبایى پارێزگاری هەولێر، بەبۆنەی (127) ساڵەى ڕۆژنامەگەریی كوردی

بەناوی خودای بەخشندە و میهرەبان

بەبۆنەی (127) ساڵەى دەرچوونی یەكەم ڕۆژنامەی كوردی و ڕۆژی ڕۆژنامەگەریی كوردی و ساڵیادی دامەزراندنی سەندیكای ڕۆژنامەنووسانی كوردستان، پیرۆزبایى لە سەرجەم خوشک و برایانی ڕۆژنامەنووس و میدیاكارانی كوردستان بە گشتیى و هەولێرى پایتەخت بەتایبەتى دەكەین.

ئومێد دەکەین ڕۆژنامەنووسان پیشەییانە و بەرپرسیارانە، بە پابەندبوون بە یاساکانى هەرێمى کوردستان و ئیتیكی کارى ڕۆژنامەگەرى مامەڵە لەگەڵ گواستنەوە و بڵاوکردنەوە و گەیاندنی هەواڵ و زانیارییەکان بکەن و لە پێناو بەرەوپێشچوونی ڕۆژنامەگەریی كوردی و گەشەپێدانی كەلتوور و هۆشیاریی سیاسی و كۆمەڵایەتی خەڵكی كوردستان پەیامەکان بە ڕاستگۆیی بگەێنن.

لەم یادەدا وێڕاى ئەوەى سەری ڕێز و نەوازش بۆ ئەو رووناکبیر و ڕۆشنبیر و رۆژنامەنووسانە دادەنوێنین کە لە پێناو دۆزی ڕەوای گەلەکەمان گیانی خۆیان کردە قوربانی، جارێکى تر دووپاتیدەکەینەوە وەکو پارێزگای هەولێر، بە هەموو شێوەیەک پاڵپشت و پشتیوانی ڕۆژنامەنووسانین.

ئەم یادە لە ڕۆژنامەنووسانى کوردستان پیرۆزبێت

ئومێد خۆشناو
پارێزگاری هەولێر
2025.4.22