شـنۆ .. پارێزگاری هەولێر، سەردانی گۆڕستانی "شێخ بابۆی" کرد

شـنۆ ..
پارێزگاری هەولێر، سەردانی گۆڕستانی "شێخ بابۆی" کرد

ئەمڕۆ هەینی 2025.2، ئومێد خۆشناو، پارێزگاری هەولێر، بە یاوەری، یاریدەدەری پارێزگای ورمـێ و فەرمانداری شاری شـنـۆ و بەرپرسی فەرمانگەی پەیوەندییەکانی نێوان هەرێم و ئێران و ژمارەیەکی دیکە لە بەرپرسانی هەردوولا، سەردانی گۆڕستانی شاری شـنـۆی کرد، کە مەزاری "شێخ بابۆ" و لەپێشووتریش ڕوفاتی پیرۆزی ڕێبەری نەتەوەیی کورد" بارزانی نەمر" لەو گۆڕستانە بەخاکسپێرداوە.

جگە لەوە لەو گۆڕستانەدا تەرمی چەندەها شەهیدی سەرکردە و تێکۆشەر و قارەمان و خەباتکاری گەلەکەمان نێژراوە، کە لە شۆڕش شەهید بوونە، یان لە ئاوارەییدا کۆچی دواییان کردووە.

پارێزگاری هەولێر، لە سەردانەکەیدا، دوای خوێندنی سورەتی فاتیحا، ڕۆڵی مێژوویی و دیاری خەبات و تێکۆشانی ئەو شەهید و تێکۆشەر و سەرکردانە بەرز نرخاند، کە لە سایەی خوێن و ڕەنج و تکۆشانی ئەوان، ئازادی و ئارامی و ئاوەدانی و ئەو دەستكەوتانەی ئەمڕۆی هەرێمی کوردستان هاتووەتەدی.