وەزیری دەرەوەی عێراق و شاندێکی باڵای یاوەری گەیشتنە ھەولێر
وەزیری دەرەوەی عێراق و شاندێکی باڵای یاوەری گەیشتنە ھەولێر
ئەمشەو دووشەممە 2025.11.17، ڕێبەر ئەحمەد، وەزیری ناوخۆ و ئومێد خۆشناو، پارێزگاری هەولێر ، لە فڕۆكەخانەی نێودەوڵەتی ھەولێر، پێشوازیانکرد لە د.فوئاد حسێن، وەزیری دەرەوەی عێراق و شاندێکی باڵای یاوەری، کە پێکهاتبوو لە ژمارەیەک وەزیر و پەرلەمانتار و سەرۆک و نوێنەرانی پارتە سیاسیە عێراقییەکان، کە بڕیارە بەشداری بکەن لە کۆڕبەندی ئاشتی و ئاسایشی ڕۆژهەڵاتی ناوەڕاست (مێپس) لە شاری دهۆک.
كە لە کۆڕبەندی ئەمساڵ سەرۆک بارزانی، سهرۆكی ههرێمی كوردستان، سەرۆک وەزیرانی هەرێمی كوردستان، سەرۆک وەزیرانی عێراق، و سەدان سەرکردە، کەسایەتیی سیاسی، نوێنەر، دیپلۆمات و کەسانی دیكەی ئەکادیمی لە وڵاتانی جیاوازەوە بەشدار دەبن و گفتوگۆ لەسەر ململانێ و ئاڵنگارییەکانی ڕۆژهەڵاتی ناوەڕاست دەکەن و بەدوای ئاشتی و چارەسەرێکی درێژخایەن دەگەڕێن بۆ ئاڵنگارییەکان.
