هەولێر..... ڕێوڕەسمی ڕێزلێنان لە چەند هونەرمەندێکی دیاری شاری هەولێر بەڕێوەچوو

هەولێر.....
ڕێوڕەسمی ڕێزلێنان لە چەند هونەرمەندێکی دیاری شاری هەولێر بەڕێوەچوو

ئێوارەی ئەمڕۆ چوارشەممە 2026.7.1، بەئامادەبوونی ئومێد خۆشناو، پارێزگاری هەولێر، و زانا مەلا خالید، بەرپرسی لقی 2، لە هۆڵی سەنتەری ڕۆشنبیریی سەرۆکایەتی زانکۆی سەلاحەدین ڕێوڕەسمێکی شایستە بۆ ڕێزلێنان لە کۆمەڵێک هونەرمەندی دێرین و خاوەن پێگەی شاری هەولێر بەڕێوەچوو.

ڕێوڕەسمەکە لە لایەن نووسینگەی هونەرمەندانی لقی2ی پارتی سازکرابوو، تێیدا ژمارەیەکی بەرچاو لە بەرپرسانی حزبی و حکومی، هونەرمەندان، ڕۆشنبیران و هونەردۆستانی شاری هەولێر ئامادەی بوون و ڕێز لە کۆشش و مێژووی پڕ لە بەخششی چوار هونەرمەندی ناسراوی کوردستان نرا، کە بریتی بوون لە ( جەوهەر محەمەد، دارا محەمەد عەلی، نەسرین مەرجان، چەتۆ حەسەن)