پارێزگارى هەولێر، سەردانى لقی هەولێری سەندیکاى پارێزەرانى کوردستانى کرد

پێش نیوەڕۆى دووشەممە 2022.1.3، ئومێد خۆشناو، پارێزگارى هەولێر بەیاوەرى هێمن قادر، جێگرى پارێزگار و نەبەز عەبدولحەمید، قائیمقامى ناوەند و عەبدولواحید ئەحمەد، سەرۆکى شارەوانى هەولێر، بەبۆنەی ڕۆژی پارێزەرانی کوردستان سەردانى لقی هەولێری سەندیکاى پارێزەرانى کوردستانى کرد و لەلایەن سەرۆک و ئەندامانى ئەنجوومەنى سه‌ندیكاى پارێزه‌رانى كوردستان و پارێزەران بەگەرمى پێشوازی لێکرا.
پارێزگارى هەولێر وێڕاى گەیاندنى پەیامى پیرۆزبایی بە بۆنەى ڕۆژی پارێزەرانی کوردستان، هیوای سه‌ركه‌وتن و پێشکەوتنی زیاترى بۆ خواستن و تەئکیدى لەوەکردەوە پارێزەران توێژێکی کار و کاریگەری جێبەجیکردنى یاسان لە هەرێمى کوردستان و ئومێد دەکەین ڕۆڵ و کاریگەریان زیاتر بێت لە خزمەتکردنى کۆمەڵگا و پاراستنى سەرورەى یاسا.
جێگەى باسە، له‌ 1993.1.3 په‌رله‌مانى كوردستان بڕیارى دامه‌زراندنى سه‌ندیكاى پارێزه‌رانى كوردستان دەرکرد و ئه‌و رۆژه‌ کرا بە ڕۆژى پارێزه‌رانى کوردستان، هه‌موو ساڵێك پارێزه‌ران لەسەرتاسەرى کوردستان یادى ئەو ڕۆژە ده‌كه‌نه‌وه‌.